飛一次大阪，談了一場六天的「同地戀」: 43

阿包說完他們昨晚的旅程後，就說：「不過可惜呀。」


「可惜，我地唔係同一班呀。」阿包續問：「你知唔知佢地邊班機？」


「我點會知？」


「你點會唔知呀？」






我真的不知道呀。


「你地嗰晚係咪發生咗啲咩？」阿包問。


「應該有下續先會咁。」阿傑插嘴道來。






「都話你地睇得電視劇太多架啦。」我說。


「威啦，咁我地都唔講阿森佢講咩。」


「阿森佢講咩？」






「等價交換先啦。」


從摩天輪下來後，她替我戴回眼鏡。


「拿，畀返你啦。」


「畀妳戴到污穢哂。」


「你就污穢，本小姐肯戴你副眼鏡都算你三生有幸啦。」






「所以今生不幸？」


她好像若有所思地說：「不幸應該係唔會再見。」


「離別？」


「你覺得我地返到香港會唔會再見？」


「點解唔會？」






「因為你唔會，我都唔會。」她眼神堅定地說。


「都可以見架，約出嚟咪得。」


「你記唔記得呢，第一日我咪問你點解偷望我。」


「好似一個人。」


「好似全智賢係咪？」






「嗯，係呀。」她跟全智賢有幾分相似。


「其實唔係全智賢嘅原因，係咪？」


我側頭，不太理解。


「唔係呀.......」


「全智賢唔係原因，你前女友似全智賢先係原因......係咪......？」






被人道破內心最深處的想法，原來是那麼驚惶。


我不知怎去回應，只是說：「對唔住。」


她打了我的肩膀一拳說：「咪話唔准道歉囉，做咩要講對唔住。」


我打破了約定。


走在有點寒冷的街道上，兩個人都一直在漫步，沒有再多說什麼，只有四周的聊天聲音。


經過樂器店的時候，她望著裡面然後問：「你咪話你唔想再彈結他嘅。」


「係呀。」


「咁我地入去玩囉。」


「吓？」


她捉著我的衣袖，拉我進入店內，隨手就拿起一枝結他。


「我真係唔識彈啦。」我投降說道。


「邊個話你彈？我彈囉～」她坐在旁邊的椅子上，清一清喉嚨，靈活一下手指。


「咳，休～」


想不到第一個音就已經走音，她馬上噗一聲笑出來。


「喂唔准笑我！」明明是她自己先笑。


「好好好，我保證今次唔笑！」


「真係？」


「我發誓！」我豎起三隻手指說。


「你發誓先信唔過。」她再清一清嗓子，然後慢慢開口，手指按動結他弦。


我說，怪不得彈結他的男生，追女生都是那麼在行。


原來，當有一個人全神貫注地為你唱歌的時候，那一刻是極度感動，你身體的細胞和靈魂會為之共鳴。


是的。彈著結他的她，歌詞與歌聲都深深穿撼我的心。




休息是為了走更長的路，

你就是我的旅途。

都是因為你， 我一直漫步。


想要跟你一起走到最後，

但我遺失了地圖。

誰給誰束縛，誰比誰辛苦。

愛到深處才會領悟。




好的事情，最後雖然結束。

感動十分，就有十分滿足。

謝謝你，是你陪我走過那些路。」




好的事情，最後雖然結束。