那年，我在補習社遇上她..: Finale
「冇⋯冇呀⋯我邊有」我擦拭臉上嘅淚珠，嘗試以一個冷靜嘅語氣面對crystal
「係咪⋯係咪因為果個女仔？」crystal一語道破
我感覺到我眼水好似想係內心嘅深處一湧而出，雙眼頓時變得通眼無比
Crystal一聲不發，捉緊我隻手
自忖係處理感情方面自己可以手到拿來，平時當朋友失戀、表白失敗，我心內總是會道出一句：「她不接受你就罷了，何苦要如此難過？最多便找一個新目標」但係，當自己成為呢個角色嘅時候，心入面就不是味兒。
唔得，我唔可以喊，作為一個男仔，點可以係一個女仔面前喊？
我用手輕擦一下塊面，「我冇事wo，不如我地走囉」我講，然後擠出一個勉強嘅笑容
「你，你真係冇野」crystal講
「冇呀，有你陪我呀嘛」我講
「我送你翻屋企啦」我同crystal講
一路上面，crystal都好動咁撩我傾計
「係wo，我之前睇星座呢，見到佢話射手座好蠢..」
「不如我地去睇..」
而我嘅反應全部都只係
「係咩」
「好呀」
「哦」
「叮叮」係angela嘅wts..
「唔緊要啦，第二名都好勁架啦😍」
個心跳得好快，但係心入面遺留嘅就只係得翻憤慨同不甘，傷感有如黃河氾濫，淹沒我心房。
我藍剔左佢..
每次一望到佢個wts icon ，我個心就不自覺地
咁跳起上黎，好似有千千萬萬隻鹿係入面亂竄。
縱然我依家都有呢種感覺，但係我又憑咩去改變？
既然佢已經搵到一個好依歸，無謂再對佢有任何嘅幻想。
「crystal呀」
「做咩呀」
「你可唔可以幫我unfollow佢ig?我..我唔想面對佢」
「真係要unfollow?」
「嗯」
我比左部手機比crystal，個心跳得好快，好快；當個ig 制由following變翻做follow同一把鎖，我鬆左一口氣。
但係始終，心入面個結仲縈繞著我。
「其實呢..我一早知你同果個女仔啲野」去到樓下，crystal冇啦啦同我講
「吓？點解嘅？」
「其實之前我咪叫你小心啲仆佳嘅，其實係因為嗰個女仔嘅男朋友係佢樂隊入邊其中一個成員，仆街知道左之後，就同佢班band友一齊出動幫個男仔追你而家嗰個女仔。」crystal講
「吓？唔通嗰個男仔咁岩又係讀同Angela同一間學校？」
「好..好似係」
仆佳頭到尾都冇諗過幫我.
「你之前點解無啦啦同仆佳散咗嘅 ？」我問crystal
「你..你真係想知？」crystal講
「講啦」
「我..我覺得自己當左佢係水泡…所以就同佢講分手..」
成件事明白曬，crystal根本就仲中意緊我，因為crystal當左仆佳係我，於是仆佳就懷恨在心，幫另外一個frd追Angela ..
「你依家明啦嗎？」crystal紅著面，低著頭咁講
「你..你比啲時間我，今日發生好多好多事..」
「嗯，我明，我永遠都會係你身邊」crystal講
翻到屋企，最可笑係angela仲同我儲緊火，我忍唔住問佢：「你個ig post好閃wo😏開始左幾耐呀😏」
打完之黎，我自己都感受到果份虛偽..
「1個月🙈」
簡簡單單嘅三個字，背後到底隱藏左咩意思？
原來佢由頭到尾都當我係一隻兵，一隻儲火嘅兵。
明明同男朋友開始緊，但係又同我講曖昧野。
可笑。
我根本放唔低angela.
「喂喂，訓左未呀😢唔好諗咁多啦😢有咩就同我講啦🙈」係crystal wts我
「嗯」我覆
我熄左燈，沖好涼，望一望個鐘，凌晨1點正。
黑夜永遠係沉澱心靈嘅最好時機。
我眼淚好似缺左堤咁，一發不可收拾。
同angela wts嘅片段好似一張張投影片，不斷係我腦海入面循環播放
冇錯，我諗到要比佢男朋友好，我要令佢知道佢唔選擇我，係佢嘅錯誤。
我開翻燈，拎翻ken tai一疊筆記。
啲眼淚一路做數一路就隨臉龐滴係筆記上面。
每當我覺得好眼訓，好攰嘅時候，我諗翻起angela同佢男朋友，就即刻燃起鬥志：我一定要讀神科，成為一定比佢男朋友更好嘅人，我要令佢後悔。
如是姐，我一直都冇訓過教.係7點鐘先小睡片刻。
我瘋狂到報曬6科補習，同埋報左2至3個plans，一方面我要麻醉自己，令我自己可以忘記佢，另一方面，即使我唔識angela嘅男朋友，我都當左佢係一個假想敵，我一定要證明比angela睇，我即使唔夠佢男朋友高，但係我係其他地方都會優勝過佢男朋友。
「叮叮」
「點解你咁夜都唔訓！😡😡😡」crystal wts我
Shit，原來佢睇到我wts上線時間係4:45
「溫書」
「溫書要溫咁耐架咩😡仲有呀，打完比賽唔係要好好休息架咩😡」
「嗯 下次會早訓」
我開始封閉自己，唔想比人知我自己嘅內心世界。對著crystal都係一句起兩句止。甚至係連表情符號都唔想打。
Angela同crystal之後果日不停snapchat我，當然，我冇理佢地，反正angela已經名花有主，辛辛苦苦儲嘅150幾日火，比我一下斬開左。但係又有邊個，可以再次潛入我心房去斬斷我個心結？無錯，我係佢心目中只係一個儲火嘅工具人。至於crystal，我始終冇勇氣再去踏前一步。
Angela每sd一張snap黎，我個心都好似被刀割左下咁，我同佢，仲有冇可能？
接下來果幾日都我係持續無眠狀態，夜晚就瘋狂溫書，日頭就去gym room
終於，到8月1號，咁岩今日係學校補課嘅日子
我4點鐘訓教，訓3個鐘，7點起身
「鈴鈴～」我㩒熄個鬧鐘
一張開隻眼，好暈，好暈
我摸摸額頭，熱到可以煎蛋
成身痠痛不堪，行步路都好似要掠奪我身上每一分力
打完電話請假之後，我諗著去睇下醫生
點知我虛弱到連行幾步路都唔得
我食著屋企嘅必理痛，攤返係張床上面，最衰呀哥又翻左工，果種無力感，比死更難受。
我post左張相上snapchat，我想睇下angela仲有咩啲咩反應。
第一個睇我story嘅就係佢。
佢最後都冇同我講過啲乜。
諗翻起以前，即使我只係有少少嘅傷風佢都會好緊張。
但係種種已經成為昔日輓歌。
「你做咩唔翻呀😢睇你snpachat好似病左wo😨唔好嚇我wo😢」
「嗯」
「😨😨😨咁你睇左醫生未呀」
「未」
「我食飯果陣黎你果到陪你去睇醫生啦😿❤」
「嗯」
「嗱，病左要休息多啲呀😠知唔知呀😠😠😠」
「嗯」
「乖🐽❤」
之後係迷迷糊糊下嘅情況就訓著左，直至crystal打電話比我
一見到佢，佢就捉著我隻手，摸著我額頭
「嘩，你個額頭咁熱嘅」
「病呀嘛」
「嘻嘻，係wo」
一直行，終於到我平時睇開間診所
「呀仔，終於識到女朋友啦」一入到去，個護士就同我講
因為個醫生係我由細睇到大，佢都當左我係佢半個仔
「吓...唔係呀..朋友黎架咋」我講
見到crystal塊面紅曬..
由於我同個醫生好熟，所以唔洗排隊就入得
「嗯...阿仔你中左流感呀，好彩你黎得快，陣間變成肺炎仲大獲」
「有冇咁嚴重呀..」
「你叫你出面個女朋友睇實你就好快好架啦」
「佢唔係我女朋友」我已經唔知點回應佢
「人地好女仔黎架，好少女仔肯黎咁污煙瘴氣嘅診所架」
「嗯，你仲煩過我阿媽」我講
睇完醫生拎完藥之後，crystal同我一齊翻屋企
「睇你個樣咁，都應該未食野架啦，不如上你屋企，我煲粥你食呀」crystal講
「吓..一男一女係同一間屋入面..」
「我係女仔我都未驚，你男仔驚咩姐」crystal抿著我塊面講
我下意識咁縮後左一步 講左句「哦」
上到我屋企之後，crystal叫我訓陣先，有得食就叫我。
去到最後，我發現自己由12點幾訓到去3點幾..
見到crystal send左個wts比我
「我翻學啦🙈見你訓到成隻🐽，我都唔好意思叫醒你🙈廚房入面整好左啲粥，訓醒記得食呀😠😠😠😠仲有要食藥呀😠知唔知呀」
其實我都唔知自己做過啲乜，點解會有一個咁好嘅女仔...
心入面個結，好似比crystal鬆開左少少...
起身之後，我一直訓係張床到同crystal wts到10點幾之後就去訓教...
即使大部份嘅對話我都係靜係打表情符號，單字，crystal從來都冇停過..
一直用緊打鑰匙打開緊我心房.
突然一晚 夜靜思海飛湍氾濫
每晚訓教前，我都敵不過晚來風急帶黎嘅寂寥
每晚合上眼睛，angela同我講過嘅不停係我思海飛湍
突然驚嘆 地裂天崩感覺變淡 一轉眼
發現那 印象都沖淡
突然間，先發現我同佢原來已經斷絕左關係
印象慢慢變淡
過去片段散落像雪花
無錯，好似雪花咁一片片徹底凍傷我個心
不害怕 每次哭乾眼淚的一雙眼
只害怕 記不起往事種種璀璨
即使我同你點都翻唔到去以前嘅關係，我好驚會失去左我同你之間嘅回憶
記憶它 裂下倒塌
有沒有 備份會 記錄眼淚嗎
如果回憶真係裂下倒塌
我希望我自己唔會忘記我付出過幾多眼淚.
眨下眼，暑假已經去到尾聲
意味著我已經徹底成為一個中六學生..
開學頭一個月已經要狂操pp，不停補課補習
忙下去，捱下去，但一不小心，總記起你
我一諗起angela，心入面嘅不甘就不停推動著我
好彩每日crystal都會keep著同我wts同我傾計...
「喂，你琴晚又溫通頂呀?」唔知幾時，crytsal係每朝早同我講嘅第一句就係呢句。
「吓冇呀..」
「仲扮野?成個黑眼圈出曬黎啦，成日都係咁，唔睬你呀」
crystal扮嬲咁同我講
「唔好嬲啦」
「成日都係咁，訓唔夠好易病架！成日都要我擔心你」
「我儘量早啲訓啦」
「你話架」
有時覺得好攰，好辛苦，好彩有crystal一直陪著我..
一直開解我…
中秋節，我我同crystal靜係約左係海濱長廊到，一邊行一邊傾計，佢好似已經變左我最值得信任嘅人..成條街都係情侶手牽著手，構成一幅美麗嘅圖片
「你想讀咩科呀?」crystal問
「我..cu嘅global bussiness..但係最少best 5都要30分..我都唔知自己讀唔讀到」
「比啲信心啦，你仲有我呀嘛」
「咁你呢?」
「我都唔知呀，cu econ掛」
呢年嘅中秋節，有別於以往同仆佳，高佬俊一齊癲;反而同crystal一齊，我有種好滿足，好舒服嘅感覺
心入面嘅結，好似又比crystal整鬆左...
之後嘅日子，我有時就同高佬俊，王總果班一齊溫書，補課，補習:有時就同crystal一齊
其他人都以為我同crystal係情侶，但係我自己最清楚:我心入面仲有條刺...
「crystal對你咁好，點解你唔考慮下佢呢?係咪因為個angela?」王總問
「我..我唔知呀」
心入面好清楚，我放唔低angela.
每日補課補習，日日都搞到3點先訓，為左成為一個比angela男朋友更好嘅人。我知道，我一定要入神科，我要證明比其他人睇我個身雖然矮細，但韌度一啲都唔細。
踏入11月，深秋姍姍來遲，氣溫驟降，唔少人都病左所以冇翻學
今日都係照舊約crystal返學...
「咳咳..你著多件衫呀..咳咳..你病左我唔放過你架」crystal第一句就同我講
「自己病緊仲要人著多衫」我講
「咩呀，唔得咩」crystal講完之後就轉身諗著走
就係佢轉身果下，我下意識捉著佢隻手
但係唔夠一秒我就縮開左..因為..我始終都比心入面個結勒死左..我唔敢開始，因為我怕失去..
成程我同crystal一句野都冇講過..去到晏就我先知佢早退左
「你點呀?」我wts crystal
「好暈呀😞乜胃口都冇」crystal講
唔知點解個心好似有少少扯著扯著咁....我係咪中意左crystal唔忍心見到佢捱苦?
我唔知道..
「傻佬🙈，唔洗擔心我wo🙊」crystal講
我諗呢個時候，crystal身邊一定有好多兵仔同佢問好..佢根本就唔洗理我
係呢一刻..我先知原來中意一個人真係會為對方付出好多好多野
心結好似就快比人解開...仲差少少..到底差啲咩?
放學之後買左啲野食上crystal屋企
「傻佬，又識自己走上黎嘅」
「之前我黎過一次呀嘛」
「叫左你唔好咁擔心我架啦」佢講
「食野啦，睇你個樣就知你未食野」
Crystal一見到有野食，就算病都食到好似一個細路咁
唔洗15分鐘已經食完一碗皮蛋瘦肉粥同腸粉…
食完之後，我一直陪著佢到8點先走
我係咪中意左crystal?
「傻佬😢今日辛苦你啦😢要你照顧我😛」crystal wts我
「唔辛苦」我始終都唔敢同人係wts上面講得太多野…
「死蠢🐽」佢講
.
.
「你聽日翻到學？」計起上黎crystal已經冇翻成個禮拜，呢一個禮拜都係佢搵我為多。
「應該返到嘅😛😛😛掛著我呀？😝」
「係啦」我講
「咁聽日一齊翻學啦😝等你見多啲我😝」
「嗯」我講
.
.
.
「嘩，咁大個紙袋，入面裝咩架?」我見到crystal拎著一個紙袋
唔通今日係咩特別日子?我望一望隻錶-11月27號，今日係咩日子呢?我諗緊都諗唔到
「你想知?今晚補完習送我翻屋企就同你講」crystal講
「唓，有邊次唔係我送你翻屋企」我心諗
「好啦」我講
翻到學校，都唔見有咩特別，係見到高佬俊果邊今日個樣特別猙獰，好似想姦左我咁
搞到我成日都專心唔到
由於我補習係補live班，最近都要係九龍灣上
放左學之後同crystal一齊去搭車，由於我間垃圾村校係馬鞍山，去九龍灣最快都要35分鐘
上到車，crystal一坐底就訓著左，睇黎佢應該仲未病好，睇得出佢好攰..
訓訓下佢成個頂挨落黎我個膊頭到，我；就係剎那間心跳得好快
係因為太耐冇同過女仔咁做？
定係，定係因為呢個女仔係crystal？
我係褲袋拎左部手機出黎，打開snapchat第一個story就係angela…同佢男朋友一齊去睇戲嘅畫面..
個心，好似比一把無形嘅箭插左落黎，我，對佢，究竟係點？
「喂，起身啦」我講
「咁快…」crystal仲係睡眼惺忪咁
「傻婆未好翻就唔好頂硬上啦」我講
「咩wo 我老虎都打得死幾隻呀」crystal講
「正一傻妹黎」我好細聲好細聲講，我唔想比crystal聽到
我唔想再去表露自己嘅感情，我好驚會再一次受到傷害。心入面果條刺，我寧願自己承受都唔想令crystal受傷。
補完習，我望一望個錶，成10點，唔知crystal收埋啲咩呢?
「不如我地去食糖水lo?」crystal講
「咁夜仲食糖水？」我講
「咁算囉，由得我自己夜媽媽一個去食糖水」crystal講
「唔好，陣間你有危險點算」我衝口而出，死火，爆左出口
見到crystal dup低頭係到笑..
食完糖水成11點幾，終於送到crystal翻佢屋企樓下
「你知唔知今日係咩日子?」crystal問
「吓...唔知wo...」我講
「死蠢，今日係你生日呀」
係wo，11月27號係我生日黎
我已經比排山倒海嘅工作淹沒左我嘅思緒..唔知由幾時開始，我對任何情感已經麻目左..除左crystal…同angela..
「你仲記唔記得中四果陣你生日，果陣係我地正式開始呀?」
「記得呀」
「去到今日岩岩好兩年，即係730日，呢到岩岩好有730粒幸運星，一粒都唔準整唔見呀」crystal講
「吓?全部都係你自己親手整?」
「係呀，得你先有咋」
「仲有我親手整嘅朱古力，岩岩好73粒架」佢講
我好慚愧...crystal為我付出咁多...而我又比過啲咩佢?
Crystal其實之前不斷sd snap比我，想同我儲火，但係…angela係我心入面有道陰影，一直跟隨著我；揮之不去，令我唔敢再同人儀式化咁儲火。
我好想好想同佢講其實我係中意佢..我好想可以保護到佢。
佢熔化左我心頭入面冰冷嘅心室，冇左佢..我每日就只會行屍走肉.
但係心入面個心結硬係綑綁著我
我好驚.
「多謝你呀..張蔚詩」
「做咩冇啦啦叫我全名呀?」crystal講
「冇..冇呀...冇野啦」我講
「好啦..你..你真係冇野想同我講?」crystal講
「冇呀」
我始終都過唔到心入面果關...
12月基本上話就係話有個聖誕假，但對於中六生黎講，仲chur過翻學..
我好似已經習慣左crystal嘅存在，每日都同佢一齊溫書，食飯。
到左燈紅樹綠嘅聖誕節，我同crystal都預左約大家一齊出黎，睇下係邊個開口先姐
冇理由下下都要 crystal做主動，我係咪應該主動同crystal講？
說時遲那時快，crystal已經sd左個wts比我
「傻佬聽日出唔出黎呀😛吊頸都要抖下氣架嘛😛」
「好呀」
由於係平安夜，呢日特別多人，一路上面，我同crystal有時肩碰肩，有時手背又掂到手背，但係因為我，撞一下就縮開，搞到成個氣氛都好尷尬…
「不如我地過海搭摩天輪囉，搭著摩天輪睇得清楚啲」我講
聽人講，當你係摩天輪升到最高點嘅時候許願，願望就會成真.
我嘅願望已經唔再係要放低angela，而係我想解開心結。我想解放自己，等自己可以勇於面對感情，唔再驚會被人傷害。我默默許呢個願望，將情感寄託係摩天輪當中。
Crystal個傻妹，明明自己畏高，但係都陪我搭摩天輪…
佢成程一直合埋眼，成身發抖，佢真係好驚..
「傻妹，你畏高又唔同我講」
「唔緊要啦，最緊要你開心呀嘛」佢講
Crystal好似慢慢打開緊我心入面個結..
落左摩天輪，我先發覺呢個地方似曾相識，原來-
「嘩！你睇下 果到有人busking呀 」crystal一野就扯著我隻手過去
「當一切也跌倒了 是你令我再次找到心跳
當一切也失去了
沒有預料 至少都可擁抱你哭笑
偽善的世界 混沌了意義
唯獨你在我身邊
拍掌拍肩直到了最後的一秒」
原來係唱緊supper moment嘅心早已屬於你
死火，點解crystal會唔見左架？
唔通佢出左啲咩事？
定係，我去到最後都要做翻一個比人拋棄嘅角色？
呢個海旁，我唔會唔記得
因為，我就係喺呢到見到angela個ig post
係呢到心碎，係呢到唔再信任何人..
唔好呀…我已經錯過左一次，我唔想冇埋你呀..crystal..
我唔會再咁懦弱…心結，係呢個時候徐徐打開
我好愛你..
我即刻係褲袋入面諗著抽部電話出黎，點知太急，加埋手又驚到震，成部機跌左落地下..
「做咩咁唔小心⋯」係crystal！
我毫不懷疑咁攬實佢
背後busking嘅音樂好似專登迎合我地咁
「你去左邊呀..擔心死我啦」
「我..我去左買雪糕呀..你睇下」
「張蔚詩 你聽著」
「做..做咩呀」
「偽善的世界 混沌了意義
曾經有一段時間，我好迷茫，冇曬感情路上面嘅方向，指引。我果陣覺得成個世界都好假，好恐怖
唯獨你在我身邊 拍掌拍肩直到了最後的一秒
係果陣，係我最無助，最需要人幫嘅時候，唯獨你，係我身邊；不停鼓勵我，慢慢解開我心入面原本個結
心早已屬於你
我好清楚，我個心已經屬於你。你為左我，連自己畏高都唔同我講。
就算世界把我唾棄推到絕地
無論之後你會變成點，個世界點對你，我都唔會變。我想一生都保護著你
心早已屬於你 愛著你 直到彼此呼吸不到空氣
做我陳逸希嘅女朋友，好冇？」
「死…死蠢..你知唔知我..我等左呢句幾耐呀」見到crystal流緊兩行眼淚，我隻手好自然咁幫佢擦乾眼淚
「我知道呀，所以往後嘅日子就交比你同你一齊去渡過啦」我講
我同佢十指緊扣著，呢一世都緊扣著。
「你個死蠢知唔知我之前摺比你啲幸運星入面有咩架」
「冇wo 我女朋友摺得咁靚 邊捨得拆黎睇wo」
「死蠢，入面每句都係我同你表白嘅字句黎架！你咁都唔睇！」crystal 抿著我塊面講
「唔好抿唔好抿，抿得多會好似沙皮狗架」
「似佢咪好囉，咁核突，一定冇人敢搶走你」crystal講
之後送左crystal翻屋企，呢一年嘅平安夜，係我過得最好，最滿足嘅一夜。
呢半年，我都好少再去其他娛樂嘅地方，因為我知道，我要為crystal而讀，我唔會再比佢受苦，我要佢幸福。
每日朝7晚1已經係基本事，有時仲會溫通宵，不過我覺得一切都係值得。因為crystal。
「死蠢，今日就放榜啦，我..我好驚呀」
無錯，今日就係放榜嘅大日子，我一直拖實crystal，我要比到安全感佢。
「嗱，陣間一收到張成績單就跑出黎走廊，我地大家互相交換，有咩就大家一齊面對，好冇？我永遠係你呢到架嘛」
「好啦」
「我屌…，中文2左呀屌」前面個肥仔一收到張單就咁講
我個心跳得好快好快，我總唔相信我呢一年嘅付出會付諸東流。
我一手搶到成績單，之後就跑出走廊
Crystal拎著我份成績單，我就拎著佢果份
Crystal睇左一睇：「死蠢，考得唔好唔緊要呀」
唔撚係呀…我真係炒撚左？
「中文5*
英文5*
數學5**
通識5*
Econ 5**
地理5」
「我屌，嚇撚到我，等我讀你果份啦」我講
「中文…中文2左」
「吓，你講真架？」crystal個樣好驚，即係搶左黎睇
「中文 5
英文5
數學5
通識5**
Econ 5*
BAFS 4」
「咩2呀，嚇死我啦，衰人..我…我幾驚自己會考衰呀…」crystal講
「有我陪著你咪得囉」我講
Jupas放榜，我派到去CU嘅GBUS
而crystal…派去CU嘅Economics
王總入左BU嘅history
仆佳入左CU嘅政政
高佬俊就入左Poly嘅 BBA Accounting
聽人講，Angela好似都入左poly讀酒店管理..
「死蠢，都忙完jupas同dse咯，做咩仲對著陪電腦呀」crystal問
「我打緊屬於我同你嘅故事呀嘛」我講
多謝你，angela，冇你，我可能連八大都入唔到
多謝你hurt過我，所以先令我成長
多謝你，改變我一生嘅女仔 Angela.
我唔會忘記你。7月24號。我地第一次相見。
《那年，我在補習社遇上她..》完
大家唔好del個story呀！！因為我仲有好多好多好多好多自己嘅感受放左係下一章嘅感想到好想同你地分享！繼續留意呀！