那年，我在補習社遇上她..: 第二十一章 相見 ( 2 )
我之後直接同angela講:「哦」之後就收左線。
點解?點解我會有呢種悵然若失嘅感覺?
如果係以前angela打比我，我一定會開心到徹夜難眠。
但係...但係依家一諗起crystal，唔通我真係要咁狠心拋低crystal?抱歉，我做唔到。我都試過比人hurt，仲記得當日crystal果句冇安全感，不如我地都係做翻朋友...我足足係屋企頹左一個月...我腦海入面泛起嘅，係我同crystal....
我仲記得我整親果陣，佢係幾咁著緊我...今朝係醫院到，佢同我講嘅一字...一句...當crystal同我阿哥講話佢係我女朋友果陣，我以為自己可以好豪邁咁同crystal講清楚...但我真係做唔到...
心入面滿滿嘅空虛感，內疚感，多到就快溢瀉出黎，又談何容易可以將佢地係我骨子深處入面抽離?
我好似一架脫左軌嘅列車，凌亂嘅思緒打破左我理性嘅思考，不停係我腦海入面漫無目的咁流竄同飛馳...
到底，我應該要點做?
「登燈登...」iphone預設嘅鈴聲將我係一片茫然之中抽離，將我帶返去現實世界..
如果可以，我都想將我地重新預設多一次....
我望一望個screen，係crystal..
「喂」我問
「死蠢，陣間食唔食野呀?」佢問
「好呀..不過你咁肥，唔洗食啦」我..我都唔知點解會講翻呢句出黎....可能..可能我當時只係想搵一個人去調整下我惆悵嘅思緒...
「你!講!咩!話!」佢特登拖長黎講
「冇野啦，陣間邊到等呀?」
「比我聽左一次你就死，我5點半上黎你屋企啦，你依家變左跛佬，冇我陪你點得呀」佢扮曬嬲咁講
「好啦，咩跛佬呀?我跛左你好開心咩?」我笑著咁講
「你話我肥就得，點解我唔可以話你跛呀?」
我地一直傾，我其實個心一直係angela到..不過，我愈諗就覺得我同angela愈無機..
唔同學校
身邊嘅仔仔好過我咁多
自己又矮又廢
我呢一刻終於解開左心結...我其實只係享受拍拖男女之間果種甜蜜感...
無錯，我係中意angela，咁又點?
我一直依賴著呢種甜蜜感...
我由一開始就覺得自己同angela冇可能一齊...
與其自己種植一棵結唔到果嘅植物
倒不如直接接受人地送比我嘅果株紅玫瑰...
我決定左，同crystal發展著先，希望可以借crystal黎忘記一棵結唔到花嘅植物..
講得難聽啲，即係我當左crystal係水泡...
對唔住...
「釘鐺鈴鐺」屋企個門鐘響個不停，原來我岩岩訓著左..足足訓左3個鐘
我跛下跛下咁去開門
「我屌，邊撚個呀」我一邊開門一邊講
仆街，原來係crystal..
仆街，我唔記得佢話佢5點半會上到黎...
「你好唔想我黎咩?咁我走囉」crystal聽到我咁講之後扮曬嬲咁講
「唔好呀，sorry呀，我岩岩訓著左咋」我攬實crystal咁講..
我feel到我好似流左啲眼淚落黎..
係因為覺得自己放棄左angela，覺得心有不甘而流淚?
定係，定係我覺得crystal做左我水泡，替佢感到可憐而流淚?
我唔知...
我攬著crystal，攬得好實..好實...
「得啦，做咩攬到我咁緊呀，我差啲抖唔到氣啦」crystal紅著塊面咁同我講
「咁我驚你真係走呀嘛」我咁講
「傻豬，做咩喊呀，我岩岩講笑咋，笑翻啦」crystal望到我喊…
「知啦，見到你肥到成個波咁仲唔笑咩」我講
佢一拳打左落我個手臂到..
「呀 係wo，差啲唔記得」我都冇為意crystal拎著個nike紙袋，佢比左成個紙袋我，入面好似袋著對鞋？
「咩黎架？」我問
「死蠢，乜你咁冇記性架，你班籃贏左hugo佢地呀，有鞋送呀」
原來係對kobe AD
「你坐係梳化到等我一陣，我換件衫就出去」我同crystal講
「哦，快啲啦」
我拎著對kobe入左房
我拎隻左腳果隻鞋出黎，跟著拎左枝marker，係個鞋面寫著：「To my love：Crystal bbg」
跟著係右邊隻鞋寫著：「1314 」仲畫埋個心
之後我換好衫，整好頭，拎著對kobe出去個廳到
「Crystal呀，對鞋呢，我都係唔要啦」我扮曬神秘同佢講
「吓，點解呀？」
「你開個鞋盒睇下先啦」
Crystal睇到我寫啲字，我見到佢眼濕濕咁
「傻佬…」
我做唔到啲咩…所以我盡量盡我能力去感動crystal….等佢唔好覺得自己係水泡….
我真係一個仆街黎…
我拖著佢隻手，同佢講:「行啦」
我地食完飯，大約係7點鐘，呢個時候去排隊就perfect.
由岩岩食完野嘅果間鋪頭行去補習社，我一直都好緊張…我不停係到睇手機，睇下angela有冇wts或者snapchat我..
「做咩成日望著部電話呀？係咪身有屎？」crystal行行下咁問
「冇呀，邊有呀，張wallpaper影到你咁靚，係男人都想睇多幾眼啦」我咁講，張wallpaper係岩岩crystal同我食飯果陣拎左我部手機，轉左一張我同佢自拍嘅相…冇啦冇啦，佢岩岩趁食飯果陣連指紋都印埋，我可以話係冇曬私隱…
冇私隱事小呀，比佢捉到我上這裡的成人影片最多咪又係嬲兩日，但係比佢知道我同angela啲野就真係不堪設想…
一推開補習社商場嘅果到門…我心跳又開始加速…我見到angela..係佢身邊都係一班比我高嘅男仔…佢同我打招呼，我都微一微笑咁…成個場合好尷尬…
「岩岩果個邊個黎架，點解我唔識嘅？」crystal咁問
「冇呀，之前同佢補習識架，普通朋友黎架咋」我咁講
但係我好清楚，angela絕對唔係我一個普通朋友咁簡單…佢係我最中意嘅人…
「哦！問下你姐，唔洗咁緊張wo，紅都面曬」佢一邊講一邊摵著我塊面..
我再望一望angela，佢同成班frd排緊係後面..
我冇勇氣面對呢兩個女仔…
我唯有繼續扮同angela係普通朋友…
其實，我對你邊係朋友咁簡單…
我真係好中意你…angela…
情願做你的好朋友
情願不讓你覺得愧疚 就不牽手也不放手
.
.
虛偽的扮演你的現任朋友也不賴
這陰謀誰看得出來
要寂寞到底 才夠痛快
.
.
我就賴著不離開
要你看清楚 我到底有多壞