那年，我在補習社遇上她..: 第十二章 麻醉

賣完旗之後，我再將每日發生過啲野同佢講；有時佢又話同我講下佢啲野。始終拎唔到佢電話都覺得有啲空虛，於是我係開學果前幾日…
「救命，仲有三日就開學啦😩」佢一早就direct我

之後我已讀左佢，因為我個計劃係專登呃佢ig有bug，有時明明冇睇跟著佢就話我睇左—當然，以上全部都係我作嘅藉口
「係呀，都唔知點解過得咁快😩話時話，我地不如wts傾囉，ig成日都有bug，明明冇睇過又話我有睇」
「好呀，xxxx xxxx」我估唔到佢會比得我咁爽快。算啦，我都係唔好諗咁多，都係果句啦，毒撚最忌有自信... 

拎左佢電話之後當然第一時間wts佢，佢將icon同個status係點我都唔係幾記得了，因為無乜特別。

「喂，知唔知我係邊個呀🙊」我同佢講。





「唔知wo，我靜係知呢個人好蠢🐵」佢覆。

「係wo，你幾時生日架?😲」佢問

「我11月27號，你呢?😲」

「我個生日好好記，我生日係情人節黎☺」

「咁其實你都幾慘..睇你個樣咁蠢應該冇人肯同你一齊過生日😨加埋情人節，陣間我驚你比人閃盲隻眼😥」其實，佢點會冇人陪呀....以佢個女神樣，如果佢肯，搵足100個男仔同佢一齊過都仲得....





「咩冇人陪呀😡大把人想陪我呀😡」

我地由果日開始日日傾，傾下大家住邊，學校啲老師點濕尻法，基本上我次次都秒回佢，除左有時打波唔得閒之外。佢一開頭果兩日都好快覆我，雖然未去到話秒回，但係起碼唔會超過15分鐘。

之後可能係開學嘅關係，大家都各有各忙，漸漸好少搵大家...

佢有時都有主動wts翻我嘅，不過唔係問我抄翻補習啲野就係向我問路—無錯，係問路...

「喂,死蠢😰你黎過元朗未，我補習調左去元朗，但係我唔識點行返去巴士站 。😰」佢屋企係大埔，我呢啲路痴十年都唔出一次街，加埋我屋企係馬鞍山，我又點識元朗啲路...。」

「吓😱我都唔知呀」無錯，果陣我真係咁覆.....


每次臨上床之前我都會開一開翻我同佢嘅wts，​自從我9月11號同佢講左早抖,我地就再冇講過野...

可能....係我自己諗得太多，佢可能只係用我黎攝時間，我可能只係佢心目中一個小小嘅配角，呀唔係，係咖哩啡又或者係工具人...不過，如果你想，我呢世靜係做你嘅配角又有咩所謂?最緊要你開心...

「叮!」有日放飯果陣收到佢嘅wts message...

「你係咪報左ben chan regular星期六沙田live班呀?佢第一期多唔多人?」一個emoji都冇....可能真係我一直太重視我同佢，以為我地兩個可以日日一直咁傾落去...不過其實又難怪嘅，我同佢識左兩個月都冇，其實佢之前肯同我咁傾計，已經算係bonus黎，我唔應該再追求太多...

「都ok啦，佢live開左2間房，坐爆左一間房，另一間仲有一半位」我好似一個補習社職員，毫無感情咁答佢...

「哦，好啦，唔該曬🙆」唔知你地覺唔覺得「唔該曬」呢三個字如果係wts講，會比人一種好似兩個人好陌生嘅感覺咁..

我本身想覆返佢「你諗著報咩?」但係我最後都係del左....我自己係到諗...其實同佢真係唔熟，比著我係佢，我都唔會揀一個長期唔會見到面加上靜係識打波同讀書嘅男仔做男朋友....我愈諗愈頹....最後都係諗著算...就算係自己中意嘅又有咩辦法，我中意你，但係你唔中意我咁其實冇意思...所以萌生左放棄佢嘅念頭...

我盡量係高佬俊同仆佳面前扮到好似冇野咁，因為我知道，佢地已經幫左我好多....

「阿媽，有冇5000銀，我去報補習，報曬全科」無錯，我係諗著日日都有野比自己忙，不斷係咁谷自己，希望借工作去麻醉自己，日日翻屋企溫書打波補習，成個機械人咁，等我自己唔好再諗佢...，當然最想係成績有進步啦。加上我學校啲老師講真除左英文，地理同數學之外其實都唔係教得幾好。

「好...你開到聲有關學業嘅野阿媽儘量幫得就幫。」見到阿媽講到眼濕濕，唔好話為左angela，為左老豆老母死都要死翻個大學學位翻黎。


星期一數學，星期二地理，星期三學校籃球隊練波，星期四抖一日，星期五通識，星期六英文，星期日中文同經濟....

我報完之後其實自己都打左個冷震，因為真係好chur....

為左妳，無辨法...





於是，我每朝7點半去翻學,每晚差唔多8點先返屋企。加埋每晚溫書，做功課，每晚2點先有得訓。​​

我不斷係咁谷自己，希望借工作去麻醉自己，日日翻屋企溫書打波補習，成個機械人咁，等我自己唔好再諗佢...

本身自己都以為可以咁灑脫放棄佢，但係有一日....

待續....