那年，我在補習社遇上她..: 第五章 回憶( 2 )
「喂呀，唔準蝦我呀!😫罰你送我翻屋企!😤😤😤😤」見到Crystal好似冇野咁，我個心都定左d。
「行啦，傻妹」就係咁，我一直同crystal行翻佢屋企。
行行下果陣，crystal無啦啦停低問我:「逸希...其實我..係咪好麻煩，好乞人憎?」
佢d眼淚已經停左係眼框上面，我知佢其實係到死撐
「唔係呀，你點會麻煩呀，你不知幾可愛；仲有呀，你成日咁著緊其他人，仲記唔記得上次debate seminar果次，你驚我出汗會病，比左包紙巾我，你唔記得啦?死蠢?」 講完之後，見到crystal收翻起佢d眼淚，面上綻放翻甜死人嘅笑容。
佢翹實我隻手，同我講:「行啦」
係佢一開頭攬實我同依家翹實我隻手，呢d同女仔嘅身體接觸都係第一次發生係我身上，當然，岩岩攬實crystal果下靜係掛著安慰佢，唔知果陣係咪太專注安慰佢，連少少生理反應即係面紅 出手汗果d都冇。唔知呢次係咪冷靜左落黎，我feel到我塊面慢慢變得好熱....
「咦，原來你識怕醜架!!好得意呀😍l佢好似睇穿曬我咁，我心諗:屌!!!!你知就好，問黎做乜!!!!
就係因為咁，我一直比佢叫做小火龍。
到左夜晚，我主動wts翻佢:「死蠢，訓未呀，唔準再唔開心啦。人已經夠蠢，如果樣再衰嘅話冇人會要架😝」
「又叫我死蠢!😡我不嬲都咁靚，大把人要!😤」crystal直程係以秒回嘅速度覆我。
如是者，我地由果日開始一直傾，有時傾下學業，傾下家庭；有時又串下大家，好似情侶咁。
我開始對蔚詩有好感，仲中意左佢...
2015年11月22日
「死蠢，今日旅行行石澗，有冇整親呀?😥😥😥」呢日係旅行，我同Crystal唔同班，所以去嘅地方都唔同。一到返到屋企我就即刻WTS佢。
「你就蠢😡😡😡你好想我整親咩???😡😡😡」Crystal過左2分鐘之後覆翻我。
「唔係呀，我真係驚你整親架😢，你整親我會心痛架💔😖唔好嬲啦👉👈」
「算你啦，小火龍💕係wo 你27號生日果日唔準約其他人，因為本小姐要約你😠」
「吓，唔得wo果日，果日我約左人出街」其實我果日根本冇約人，我只係想睇下佢對我嘅感覺係點...
等左半個鐘，佢仲係已讀不回，但係其實佢呢半個鐘都在線上..
「喂，死蠢，你估下我約左邊個?🙈」終於，我wts問返佢。
「冇興趣知，你地果日玩得開心d.」Crystal靜係答左我呢句，我都唔忍心再玩佢。
「死蠢，我講笑咋🙈我果日咪約左你囉!」
「😡😡😡😡講大話呃我?27號果日你就知死!」
眼到佢打翻emoji，我個心就定翻d。
我同高佬俊仲有仆佳講話我想係27號晚表白，點知佢地第一時間唔係比建議我，反而係同其他人happy corner我。
「契弟?出pool?」
「想dum低我地2個a0?」
最後，佢地都係咩建議都冇比我....
2015年11月27日
係果朝，我特登早起gel好頭，著件牛仔褸加對ultra boost就出門。話曬第一次約女，仲要表白，一定唔可以著得柒。
「媽，我出去啦，今晚唔翻黎」
臨出門之前老母係到要串我幾句:「出啦出啦，有毛有翼曉飛啦，生日都同女朋友過」
我都唔識點應老母好。
我同crystal約係沙田港鐵站等，佢著左件連身裙，孭著個fjallraven kanken書包，睇落真係好女神feel。
我同crystal去左睇戲，snoopy公園，佢開心到成個小朋友咁。望到佢個笑容真係心都溶埋。
我又點會估到一個月之後佢會變成咁...
到左夜晚，我帶佢去左馬鞍山海灘個海之心果到—其實只係有人係果邊用好多塊石砌左個心出黎，我諗左成晚先諗到去果到...
「逸希，我有d野想同你講」 「crystal, 我我有d野想同你講」
我地兩個一齊講呢兩句野出黎。
「你..你講先啦」我crystal講先。
「你行去心心中間先，之後合埋眼，唔準偷睇架!」佢好似媽媽命令自己個仔咁，我都冇佢符，只好乖乖聽佢講。
我合埋眼之後，feel到佢幫我帶左條頸巾，之後打返開隻眼，見到佢同我帶著同一款頸巾。
「呢條頸巾係我自己織架，你一條我一條，唔準整唔見呀!」
就係我諗著開口同佢表白果陣，
佢攬實我，攬得好實好實...
「我仲有野要送比你架!小火龍，我送我自己比你，你冇得say no架!仲有唔準將我送比人架!」crystal攬實我講。
我冇唔要你，係你唔要我...
我捉實佢隻手，同佢講:「行啦，女朋友仔，送你返屋企」
佢笑得好甜..好甜...
到左佢屋企樓下，本身送完佢翻歸，岩岩諗著轉身走，點知佢無啦啦大嗌:「小火龍!」
我完全反應唔切，一轉身我個嘴就已經錫左落佢嘴到..
我個初吻，就咁比左crystal...
「嗱，你依家係我架啦，連你個初吻都比我拎走，睇下你仲點識女仔」
我果陣完全唔識反應，靜係錫返佢塊面一啖，同佢:「知啦」
點知佢指著自己個嘴， 扮曬嬲咁講:「鍚面咋? 條頸巾我...」
佢未講完我已經錫左落佢個嘴到...
「乖啦」佢成塊紅曬咁同我講..
呢晚，係我果得最甜嘅一晚...
邊個會估到，一個月之後佢會變成咁....
待續....
我冇唔要你，係你唔要我...