那年，我在補習社遇上她..: 第二章 初見

我同傻均第二日放學就去左間補習社報啦，本身我其實想報現場班，即係有個真人坐係到講。但係傻均又話撞左其他補習，又話其他時間唔好，咁我自己又淆，話曬都係第一次黎補。結果我同傻均一直係果到擾攘左成半個鐘，最後揀左7月24號火炭分校5點果班。

7月24號5點，我呢生都會記得呢個時間同日期。

話咁快又到左7月24號，傻均一早同我講話佢唔得閒陪我去，叫我直接係火炭分校果到等佢。本身我自己係路痴黎，所以早左成個鐘出發；而且，果陣諗著靜係去補習，又唔係出街，所以求求其其著左件nba John Wall tee shirt，踢著對nike拖鞋去算。

到左火炭站，開左google map，本身都冇乜野，行下行下見到有個女仔拎著個Jack Wills袋同部iphone 6同我一樣用緊google map。果時都冇諗其他野，佢dum曬頭睇著部電話，又見唔到佢個樣，急急腳行過佢算。

到左分校，果然，我4點半就到，成個班房得我一個。冇幾耐，傻均都到左，話佢on9真係無錯，佢一黎就問:「喂，你估今日會唔會撞到靚女呀啦?」





我果陣心諗:咪on9啦，你黎補習定黎睇女?

當然，我冇講到出口，我靜係答左句:唔知呢

到左5點，成個班房都係得3,4條友，咁我都不以為然。個staff開始播帶，呢個時候，佢...佢行左入黎。

佢就係岩岩拎著Jack Wills袋果個女仔，佢同佢另外一個女仔frd一齊，佢個frd好普通，大眾鄰家女孩咁。相反，佢就唔同啦...遠睇佢個樣有d似吉沢明步，白晢皮膚配上水汪汪嘅眼，加埋平陰同果把到半背嘅深啡秀髮

無錯，佢俘虜左我個心...





「喂，阿希，3點鐘3點鐘方向，女神呀!」其實由傻均同我講之前，我已經見到。

我果陣feel到我塊面同我身上件john wall tee一樣咁紅，個心好似被千萬隻鹿撞緊咁，手汗同手震甚至令我連筆都拎唔到。

一見鍾情，唔通就係呢種感覺?

過左個半鐘，終於補完。呢個半鐘仲辛苦過平時學界打5打5。因為我呢個半個鐘成身好似發燒，個心又跳得勁快，講真，根本冇可能專心得到。

其實傻均咁on9搞到冇朋友都係抵佢死，佢走果陣無啦啦同我講:「屌你，做咩行咁快，嗱，我地行慢d，吊著佢地尾，睇多陣靚女 j下都好」





聽到佢咁講，我直接同佢講:「屌你j乜柒，自己翻屋企慢慢睇av打爆佢啦。」無錯，當時我好燥底，我諗一個男仔聽到其他人咁諗你自己真心中意嘅女仔都會變燥底。

傻均聽到我咁講之後都冇出聲，之後我直接同佢講話有d唔舒服，急急腳翻屋企算。

其實我話唔舒服係假，一方面唔想傻均繼續打佢主意，二來我驚自己著到咁柒，如果比佢見到，佢會係心入面扣我分👮

翻到屋企，我照一照塊鏡，見到隻耳仲紅緊，我就知，我真係中意左佢....

當時我同傻均講話唔舒服，其實有部份都岩，係我個心唔舒服。一黎，我好想快d見到佢；二黎，我一直係到諗佢有冇男朋友....





7月24號5點，我呢生都會記得呢個時間同日期，佢俘虜左我個心.......

一見鍾情，就係呢種感覺...