我係喜達,撈麵界既亞視: (二)序

我係ok仔,係彭健新隻狗


『今日既然係年初三,不如就各位同大家拜過年啦』黎芷珊笑到眼都見唔到

『黎,咁我彭健新就祝大家係新既一年,讀書既學業進步,工作既財源滾滾來,各位身體健康,哈哈哈..OK仔同大家請請先』

『屌,又請請,你地悶唔撚悶架』我其實都幾厭惡做請請呢個動作,係人都知狗係四隻腳,你地係都要我得兩隻腳企係到,乜好撚好笑咩?

『哈哈..OK仔請請..哈哈好叻呀』一眾藝員皮笑肉不笑咁望住我拍手掌





『好,節目差唔多去到尾聲喇,不如大家合唱一首財神到啦』

各藝員馬上為自己爭取上鏡位置,咪嘴唱歌

而我就仲係到請請

『屌我腳痹呀』我望住彭健新,吠左幾聲,希望佢會明白我,抱返起我

『吠咩呀OK仔,你係咪肚餓呀?』彭健新問我





『我腳痹呀』我吠得再大聲D

『得喇得喇,一陣帶你去食野』

『屌』我吠都廢鳩事

我係ok仔,係彭健新隻狗

自從我有意識開始,就係跟住呢個男人





聽人講佢好似以前係夾BAND,係藝人

我亦都成日跟住佢出鏡

比手,請請,跳圈

我都做到厭晒

我認為做人有得揀,做狗亦都可以

我返到屋企之後,係露台大聲吠

『喂Tiger哥,出黎喇喂』





『喂』

『嘈乜鬼呀』Tiger哥終於行出露台

Tiger哥同我一樣,係一隻狗

但係佢係一隻芝娃娃

我亦都唔知佢主人點解會叫佢做Tiger

『我有野搵你傾呀』

『傾乜鳩呀』Tiger哥look到隻眼就黎跌咁,起勢咁飲片,賴到發發聲

『我唔想再請請呀』





『屌,我夠唔想咯,有撚計呀?鬼叫我地係狗』

『...』

『不如我地出去行下』

『行乜野姐,我主人日日都帶我出去行街架啦』

『唔係呀...我想逃走』

『你想死呀?你出到去搵唔食架喎』

『屌,最多肚餓咪返黎囉』





『咁呀..咁你同我講做咩呀?』

『一齊走』

『癡撚線既你都,我日日有雞脾食,你叫我同你流浪?你癡線既都』

『Tiger,你仲記唔記得點解要做一隻狗』

『食囉』

『屌,除左食呢』

『偷睇我主人扑野囉』

『屌!你可唔可以似返隻狗呀,你無夢想既咩,夢想呀!』





『...』Tiger哥望住個天,舉頭望明月,然後柯左舊屎

『黎啦Tiger,出去行下啦,最多你想走既時候即刻同你走喇』

『...』

『...』

『唉,好啦..』


『幾時走呀咁?』

『聽晚十二點』

『去邊先得架?』

『我一陣上網睇下』

邊個話狗唔識上網?

養狗既人,一定有個經驗就係

自己既電腦,無啦啦會多有d野,又或者唔見左d野

上網既紀錄無啦啦會比人del左

但明明出左街之後,間屋就只係得隻狗

無錯

你隻狗好大機會偷玩過你部電腦

ok仔等彭健新訓左之後

靜靜雞開著電腦

『睇下先..google map..去烏溪沙都好喎..咦唔係喎..去旺角都好喎』

『唉,都係上陣網搵靈感』

『咦..明日香出左新av..有無seed呀..』

『屌,粒seed假既,你老味唐伯虎點秋香黎既』

『屌搞到咁夜喇..死喇..仲未諗去邊』

『唉算喇,都係訓覺』

ok仔熄左電腦之後,就爬左上彭健新張床到訓覺

『聽晚開始就可能要過一段時間之後先再會返黎訓』

ok仔望住彭健新,ok仔有少少唔捨得佢



第二日ok仔起身

發現彭健新已經出左去

ok仔想準備下行裝

但係諗諗下

作為一隻狗,係無野需要帶走

ok仔全日都係間屋到,四周圍望

ok仔今晚將會第一次自己出去

ok仔唔捨得呢間屋

『ok仔..你睇下我買左d咩比你』

晚上八點鐘,彭健新返左黎

彭健新又買左件衫比我

『同你去拜年著一流啦,bape黎架』

屌咩黎架,成件壽衣咁

黑蚊蚊咁

『周柏豪都有著架』

彭健新幫我著起呢件衫

抱住我去照鏡

『屌,新年流流要我著埋件咁既野』

我聽到樓下有車返到

我喇喇星跑去窗邊睇下

原來係tiger哥個主人返黎

『汪汪汪汪汪.汪汪汪.汪.汪.汪.汪汪汪汪汪汪』

tiger哥係門口擺晒尾係咁吠

『tiger..係喇係喇..返黎喇..唔好吠啦..係咪好掛住我呢..哈哈..乖喇乖喇』

我當然明白tiger哥係講緊乜野

『我屌你老母,無水無狗糧呀仆街,你個撚樣仲要咁撚遲先返,我幾撚時有掛住你呀,我好撚肚餓呀』

tiger哥比佢主人抱返入屋

時間一分一秒咁過去

好快就黎到十二點

我去到彭健新間房

佢已經訓緊教

『我走喇..』

我望住彭健新,望左好耐

『拜拜』

我行到去露台

見到tiger哥已經係樓下等緊我

我喇喇聲落去

『喂tiger,行喇』

『嗚..嗚..嗚..』

『我聽唔到你講咩呀』

tiger哥個口好似比人塞住左咁

『我聽唔到你講乜鳩呀』

tiger哥將佢口入面既野吐返出黎,原來係狗糧

『屌,我點知一陣你帶左我去邊,我梗係帶定d食糧出黎架啦』

『哦..喂tiger哥你主人望住你呀』

tiger哥即刻好慌張咁周圍望

『邊到呀,都無』

襯tiger哥望左去第二到

我即刻食晒佢d狗糧

『喂我屌你呀,食晒我d糧』

tiger哥即刻撲埋黎我到,好可惜,我已經食晒

『tiger,記住我地今次出黎既目的,我地做狗,唔一定要靠人架』

『咁係姐...都唔洗..』

『唔好講廢話喇,行啦』

十二點十分

ok仔正式離家出走


http://upload.lsforum.net/users/public/j10848994693_682_nq47.jpg


『行喇tiger哥』

『等多陣先,我等埋我個friend先』

『你都有朋友既咩』

『都有既..』

話口未完,有一隻狗仔跑緊過黎

係一隻柴犬

『tiger!』

『喂,介紹下先,佢係我老友..』

『哦..我識你呀,我睇電視見過你架..你係溫拿樂隊打鼓果個陳友呀麻』

『..我唔係陳友,我主人係彭健新..』

『哦..我知..英文名Alan Tam呀麻』

『屌,係喇係喇,你話點就點啦』

柴犬做左一個單手請請既動作,示意同ok仔握手

『唔洗啦,我好憎做呢個動作,係呢,你叫咩名』

『我叫柴九』

『下..乜你唔係柴犬咩』

『我個名叫柴九呀』

『咁撚濕濟既你個名..』

『咁你又叫咩名呀?』

『我叫ok仔』

『哈,你個名夠濕濟啦,叫ok仔,叫7仔仲好啦有印花儲』

『行喇行喇,唔好講咁多喇』

tiger哥發號司令

我地三個就正式踏上旅程

『喂,行程係點架?』柴九轉身望住tiger哥,tiger哥又望住我

『咳嗯..行程呢,我決定就呢到,搭紅van出旺角行下先』

『點稱呼話?』

『ok仔』

『好心你啦ok仔,唔好成碌撚咁啦,你成日上電視,係人都認得你啦,出旺角?唔洗半個鐘就比人捉返屋企啦』

『咁你點睇呀柴九哥』

『喇,我地逐住大馬路行出去,轉左再直行,會去到市區既,去到果到再算啦』

我地跟住柴九行

『屌我肚餓喇』tiger哥開始埋怨

『屌你唔好成日掛住食好無呀』

『你岩岩食晒我d糧仲好講』

『唔好嘈啦,出到先同你地食野啦』

『好呀好呀』

『你地帶左幾多錢出黎呀?』

『無喎』

我同tiger哥同時出聲

『咁行返去果邊啦,果到有間廟』

『去廟做咩呀?唔係話出去食野咩』

『你老味你兩個豆零都無,去食香算啦』

『咁點呀..行住先啦』

『你地都無錢,行得去邊呀』柴九開始抱怨

『你夠無錢啦,你又出黎?』

『屌我以為你地有呀』

『唔好嘈喇唔好嘈喇,諗下點做好過啦』

三隻狗係馬路邊坐左係到

『喂不如咁啦,即然無錢,不如上山行下』柴九提出主意

『屌咁多蚊,咬到成身都係架』我覺得呢個主意麻麻地

『唔係喎,平時我主人都有帶我上山架,我覺得幾好行』

『咪係囉,上去行下好過係到戇鳩鳩啦』

『咁..下啦』

呢座山我從來都無上過去,呢家仲要係夜晚

我覺得座山好得人驚

我係山腳望上去,根本望唔到山頂

山頂好似比d煙包圍住咁

黑仔覺得好唔舒服

但係tiger哥同柴九行左上去

『喂..等埋我啦』

開頭既路係行人路,好好行

慢慢就開始係行山路

街燈開始照唔到三隻小狗

大家都唔知行左幾耐

『仲有幾耐架..』其實我一直都好想走

『我都唔知喎..平時我主人都帶我行到咁上』

『唔知你又帶我上黎?』

『唔好嘈啦,未上過咪當上黎行下囉』

『汪!』

ok仔佢地聽到一把唔屬於佢地狗吠聲

佢地抬起頭

望到一隻比佢地身型大四倍既黑狗

『你三隻迷你狗,上黎做咩』野狗虎視眈眈咁望住我地

『我..我地..唔係..我地迷路』

『係..係我地即刻走』

柴九用口撞一撞我地

『喂..閃喇』

『走啦,成班傻西狗戇鳩鳩咁學人走上黎,走啦』

『哈哈..走都走特別樣衰,做狗做到成隻老鼠』

tiger哥停低腳步,望住野狗

『望咩姐..我話你呀』

tiger哥慢慢行返去打狗旁邊

『喂tiger..走啦唔好理佢』

『係囉,唔好理佢啦,野狗無文化架』

tiger哥企係野狗面前,抬起頭

『你頭先話邊個似老鼠』

『哈..哈..邊個?除左你仲有邊個似老鼠』

『汪!我屌你老母』

tiger哥好似發左狂咁撲向野狗

野狗都估唔到佢會有咁既舉動

tiger哥撲向野狗,一咬就咬住野狗條頸

『嗚..』

但係野狗係呢座山撈左咁耐,又點會係省油的燈

轉眼間就反客為主,將tiger哥控制住,禁係地下

『汪汪..汪....』同伴受到攻擊,ok仔同柴九雙紅通紅,發出咬牙既聲音,準備撲向野狗

『唔洗幫拖!』tiger哥大聲喝住ok仔同柴九

tiger哥又再咬住野狗既喉嚨,野狗無論點都無辨法睜開tiger哥

出血了

野狗既喉嚨出血了

『嘩』

我都唔係好相信眼前既景象,一隻平時淨係識食同打飛機既芝娃娃

竟然可以咬到一隻野狗出血

但係我都無鬆懈到,只要tiger哥再次比受制於野狗

就會即刻衝上去

五分鐘之後

野狗就比tiger哥放血放死左

『喂..喂..tiger你..殺左人呀好似』

『好似係呀』

『邊有姐..殺左狗姐..我最撚憎聽到話芝娃娃似老鼠』

『好彩我無講過姐...』我同柴九你眼望我眼,我諗我同佢都係諗同一樣野

『我諗我地就黎行到山頂啦』tiger哥提一提我地

tiger哥講得無錯

頭先我係山下面望上山見到既煙,已經包圍住我地

開始望唔到前面既景象

但係


我聞到有人係附近


『喂..我聞到有人』我同tiger哥講

『我地都聞到..可能係d非法入境者』

『嘩咁會唔會食左我地架』

『乜我地有肉可以比人食咩』

我地繼續行上山,沿途煙越來越多

『咳...咁撚多煙既』

『人既味道,越來越近』


『呀!!!!!!!!!』

我地聽到有人大叫,基於狗既天性

我地向山上既方向跑去

跑得越高,煙越來越多

但係就有一陣強光射穿煙霧為我地帶路

我地一口氣跑到上山頂

我地比眼前既景象吸引住眼球,郁都郁唔到

我地見到一個長方型既物體發出住藍色既強光

而地下

有兩個人係到

一個係年青既男人,而另一個,明顯係一個老婆婆

等左一陣

男人爬左起身,拎起左一把槍唔似槍,刀唔似刀既武器,行左去老婆婆旁邊

男人舉起武器

『汪..』柴九好驚,忍唔住吠左一聲

男人聽到有聲..跟住往ok仔佢地既方向跑過去

『汪..走呀!!!!』

ok仔佢地三個起勢咁跑返落山

唔洗五分鐘

已經跑到落山腳

『呼..呼..我地即刻返屋企,當咩事都無發生過』

『呼..頭先個男人..你估佢做咩事』

『唔好理人地啦,返屋企啦..行啦ok仔..唔好望喇』

我望返上山,藍光無左,煙霧亦都無左

我返到屋企,返入彭健新間房

佢仲訓緊教

而我就返返自己既狗屋休息

好快我就訓著左..

『出面咁危險..以後都係都唔好再偷走』




故事完



我係ok仔,係彭健新隻狗 又名 我係喜達,撈麵界既亞視（二） 序幕