有冇搞錯！我畀咗成千蚊人情去飲，竟然九道菜全部都係橙（實體書已出版，感謝各位支持）: 第八章第二回

2

「如果你啱啱真係叫錯咗，就有排你嘆呀，哈哈。」Yuki笑說。

我看着那既熟悉又陌生的笑容，一時間怔住了。熟悉是因為Yuki跟正義妹一樣，都是我的同事；陌生是因為Yuki不知為何出現在這個地方，而她的笑容也暗藏着一點點的陰森及猙獰。

「你……你係……？」我勉強吐出了幾個字。

「我咪係Yuki囉，你食橙食懵咗呀？」





「我知，但……點解你會喺度？」我終於回復溝通能力，急不及待一口氣問：「呢度係咩地方？我點解會被迫食橙？輸咗又會點？係咪會死？唔受酷刑得唔得？」

「停！你一口氣問咁多問題，我點答你呀。你唔係不嬲都喺背後話我傻傻哋，傻人有傻福咩？我邊記到咁多嘢啫！」Yuki語帶譏諷地說。

我知道自己闖禍了，平日經常在她背後跟正義妹說是非，沒料到被發現了，現在還被秋後算帳，只好想辦法消除對方的怒火：「我講下笑啫，唔講邊有得笑吖，哈哈！你大人有大量，唔會嬲我嘅，係咪？」

「知驚喇咩？見大家一場相識，『暫時』算啦。」Yuki回應，不知道是否心理作用，我總覺得「暫時」兩個字她好像說得稍為用力。

雖然至今仍未知道Yuki的真正身分，但我留意到Yuki進來這間格後，那兩名軍人就一直神情肅穆地站着，不發一言，身子亦挺得相當筆直，不敢有半點鬆懈的樣子，從這點我就可以肯定，Yuki的地位比那兩名軍人高。





我疑惑地想：Yuki不是藥廠的文員嗎？明明在藥廠內職位比我還要低，只不過因為打字快，才能經常較早放工……

咦？不，細心回憶的話，上司及老闆平日好像都敬她幾分，還不時請她吃西餅、飲咖啡，我和正義妹都沒受過這樣的禮待啊！

「喂！」Yuki打斷了我的思緒問：「你頭先係咪問我，點解無啦啦要食橙？」

「吖，係呀，」我把握機會問：「我明明嚟飲Patrick嗰餐喜酒，點解佢哋會唔見晒，我哋仲要不停食橙？咦，講講下，你之前係公司好似都係話要去飲喎。」

Yuki回應：「飲就飲，不過係睇你哋飲，我喺呢場『陪審團遊戲』嘅負責人之一。」





「咪住先，咩係『陪審團遊戲』？頭先我都聽到同枱嘅肥佬提過，但佢欲言又止，好似話唔講得畀其他人聽。」

「啱呀，《陪審團條例》規定，所有陪審員都唔可以將以往過程中發生嘅事話畀任何人知，其實喺舊《陪審團條例》都有類似嘅規定。」

「原來正義妹冇呃我……」我有點慚愧地低下頭說。

Yuki這時終於想起了我問題多多的原因，續說：「係喎，我都諗起喇，你遲到，又係第一次被挑選中參加『陪審團遊戲』，所以就咩都唔知。」

「係啦，所以我被人蒙在鼓裏都可以捱到第九道菜，都算係咁啦，」我看到酷刑輪後，又不想「死」了，乘機求情：「不如就咁算，當我過咗關放我走啦，大家一場相識。」

「你就想！事實上我都冇權放你走，你都係死咗條心佢啦。」

「唉！」我嘆了一大口氣，改口道：「咁我反正都快死，你不如話我知到底成件事係點，等我死都死得眼閉吖。」

「死？嘿……」Yuki奸笑過後，抬頭望向我身後的軍人道：「（普）你們出去，我先跟他聊一會兒。」





軍人離去後，Yuki又轉回廣東話說：「見係你，就等你走都走得眼閉啦。成件事就要由2022年嘅第六屆行政長官選舉講起。」