[校園][愛情]《個女仔衝咗出馬路然後俾我救番》: 「第十三章(上)-平安夜」
第十三章上
「過兩日就聖誕喇」
「不如嗰日去溜冰」
溜冰.....你真係考驗緊我
「好唔好啫」蒨頤望住我
「怕你麼」
「好yeah！」
每年聖誕都係吖妹同浩峰陪我過，但今年就唔同喇，變咗做蒨頤陪我，所以今年就唔洗再唱Lonely Christmas喇！
不過我呢幾日都陪蒨頤，唔陪浩峰打機好似好hihi咁
所以，我打咗比吖妹，叫佢今晚煮飯，之後我就全日陪浩峰打機，打咗唔知幾耐，我就停手，淨係同浩峰skype傾偈
「你諗住比驚喜佢？」浩峰問我
「可以咁講」
「我諗住平安夜同佢出尖沙咀然後表白」
「Gd idea喎」
「緊係」
傾多咗一陣，就出咗去食飯
「你聖誕有冇去邊？」我求其開咗個話題
「我應該同fd過」
「咁你自己照顧自己」
「得啦」
食完飯，我就入房wts蒨頤約佢聽日出街
——————————
我約咗蒨頤兩點出門口
我哋去咗又一城，因為可以溜冰，加上出尖沙咀又快
講到溜冰，我真係0經驗
「我平衡都喺地下」我好得戚咁講
「平衡只係level 1」 佢笑我
「我都好快學識啫」
「睇下點」
出到去，我淨係識得捉住出面個欄桿，企咗喺度，但蒨頤就已經溜咗幾個圈，
蒨頤見我企喺度咁慘，就個嚟拖住我隻手，帶我溜，我捉住佢隻手都捉得幾實行，
「砰」我唔小心仆街，我又好順手咁捉住蒨頤，搞到我哋兩個一齊仆街，而家嘅動作就好似女上男下咁
「起身啦，地下好凍呀」
「你個衰人......」
「Sorry lo」
我哋上咗樓上個food度食野，嗰度有pepper lunch食，又幾正喎，我就買咗pepper lunch，而佢就買咗大家樂
食完嘢，我哋喺商場行，行到差唔多時候，我哋就出咗尖沙咀，尖沙咀都幾多人，我哋去咗五號碼頭，聽到有隊band好似喺度 唱last christmas tonick版
***
賣下廣告先，嗰隊band叫nine meters，
https://en-gb.facebook.com/ninemeters/
***
「送畀大家最後一首歌！《哪裏只得我共你》」
https://youtu.be/wPGCIqt_klw
可以一路聽一路睇
「蒨頤」
「嗯？」 佢擰轉個身對住我
我捉住咗佢隻手，亦都行前咗一步
「做.....做咩？！」佢似乎畀我呢個行為嚇親
我深呼吸，雖然有啲緊張，但係點都要搏一鋪
「一直以嚟好多謝你」
吻下去便確認我共你
「係咪認識你之前，我仲係一個好頹廢嘅人」
能同生能同死
「覺得呢個世界冇意義討厭呢個世界」
趁渡假覓勝地我共你
「但直到有一日，我遇上咗一個傻妹」
能從此一起
「佢成日搣我唧我串我」
我們身邊太多假人
「同佢一齊嘅時光我覺得係最開心」
心中太多傷痕
「佢令我嘅生命又泛起一點浪花，令我嘅世界有返色彩」
等不到私奔
「最重要嘅係，佢，將停留喺黑暗中嘅我拯救番出嚟」
*我要將你拯救
逃離人類荒謬
「老實講，如果呢個傻妹消失咗」
就用我的雙手
「我真係唔知點算」
帶著你走
不掙扎只緊扣
「所以我要保護佢，愛錫佢」
從未低頭
途經幾百萬傷口
「唔可以令佢再受傷害」
站在我的身後
要確保你無愁沒憂
「劉蒨頤，我愛你。」
不聽閒言
「我好希望你可以永遠留係我身邊，繼續串我、繼續搣我、繼續體諒我、繼續照顧我。」
「所以，」
若你好 就已經很足夠
「做我女朋友啊，好無？」
愛下去 便慶幸我共你 能同歌 能同泣
與外界 未隔絕我共你 能停止 呼吸
我們 身邊太多批評
干擾敏感生命 不想太清醒*
那裡無人被嫌棄 那裡無人被人欺
浪漫溫馨一世紀 那裡只得我共你
勝過絕美的晨曦
我要將你拯救 逃離人類荒謬
就用我的雙手 帶著你走
不掙扎 只緊扣
從未低頭 途經幾百萬傷口
站在我的身後 要確保你無愁沒憂
不聽閒言 若你好 就已經 很足夠
生存 就這麼 愛到死 很足夠
蒨頤一路聽我講，本來已經乾透既眼睛再次濕潤起黎。
「衰人......」
「你講咩話？」
佢打咗個粉拳埋嚟
「我話你個衰人！」
「你知唔知我等咗幾耐！」
「sorry囉」
「嘛，呢啲嘢要睇時機架嘛」我唔好意思咁講。
「之前大把機會你唔講？」
「咁我淆啊嘛」
「算你啦」蒨頤扮嬲咁講，但淚水卻一直落下不止。
「10！」
「9！」
「8！」
「7！」
「快啲倒數喇！」我哋異口同聲咁講，搞到我哋兩個都笑咗
「6！」
「5！」
「4！」
「3！」
「2！」
「1！」
「聖誕快樂！」全場人一齊大嗌
「傻妹，我愛你呀」我攬住咗佢
「衰人，我都愛你呀」佢都攬番我
我地好似有共識咁，接吻起嚟，而且仲要彼此伸脷到大家嘅口中，將對對方嘅愛，傳遞出嚟
原來....咀唇係咁柔軟，感覺好軟綿綿......
呢一吻，讓我知道，咩叫幸福。
如果可以的話，我希望時間可以一直停留喺呢一刻
『我要將你拯救 逃離人類荒謬』