[校園][愛情]《個女仔衝咗出馬路然後俾我救番》: 「第七章(下)-夢」

=large第七章-下 



食完飯，我同蒨頤行咗一陣就返咗學校，上到課室，逸軒就行咗過嚟 

「阿言，放學你可唔可以幫我上天台set啲佈景？」 

我望一望蒨頤然後望返逸軒 
「好啊，冇問題！」 





「好，咁就得喇！」 
「難得周sir請打邊爐！」 
「一定要做好佢！」逸軒笑住咁行開咗 

「咁你放咗學我唔得閒理你架喇」我開聲同蒨頤 

「好囉.........」蒨頤有啲失落咁 

「咁就好喇！」 





好快又打鐘，之後個阿sir又入咗嚟教書，食飽飯嘅我，就忍唔住咁訓咗覺 

*********************** 

「紫晴！」 

「做咩吖？」紫晴歪咗頭咁望住我 

好得意啊啊啊啊啊啊，佢紮起辮，我終於知佢似邊個喇！係王敏奕啊！仲要係曖昧不明研究學會李寧版！ 

「送樣野俾你吖！你伸隻手出嚟先！」我冷係神秘咁 

「俾我知道係衰嘢你就知死！」佢扮嬲咁笑住望我 

「係喇！」 

之後我將隻手放咗喺佢隻手到 

「咦？冇野嘅？」佢帶住黑人問號咁望住我 

我捉住咗佢隻手 
「嗱，我就係嗰份禮物喇！」 

講完呢句，佢紅都面哂咁望側邊 

「想.....想拖我咋嘛！」 
「早......早講啦！」 

「係喇！開唔開心先？」 

「我想一世都拖住你！」佢挨住我膊頭 

「我都係吖！」我好開心咁笑 

************************** 

「爛訓豬！」蒨頤彈我額頭 

「嘩屌..........」我掩住額頭然後搣蒨頤塊面





原來蒨頤塊面好多肉，軟綿綿咁好好搣

呢一刻，我同佢嘅動作，喺人哋眼中我哋好似一對情侶

佢開始面紅，我即刻放開手「好似興奮得滯添，嘻嘻」

我望一望個鐘，原來已經放學架喇？！估唔到我訓咗咁耐，當我望去逸軒嗰邊，發現咗佢拎住塊介紹我哋嘅板，我行咗過去搵佢，佢就望住我

「訓醒喇？」

「你唔叫我嘅？」

「蒨頤叫唔好整醒你嘅」

我即刻望去蒨頤到，佢發現我望住佢之後，佢即刻望第到





「咁我哋抬塊板上去啦」逸軒拍一拍我

「係！」

上到天台，我哋set好哂野，我深呼吸，呢個時候，我開始回想過去嘅事，我究竟對蒨頤係咩感覺？當咗佢係紫晴？定係仲未放得低蒨頤？
正當好好思考緊嘅事候，逸軒行咗埋尼

「終於搞掂喇！」 

「聽日一定好成功！」 

「話時話，個轉校生對你好似有啲野咁」逸軒望住我 
「我對嗰個轉校生雖然唔認識，但睇得出佢對你有種特別嘅感覺」 
「不過點都好啦，希望你諗清楚啦！緣份呢家野，好難捉摸架」 





呢句野中咗心嗰句，令到我唔知點去回應佢，果然係被稱為神嘅化身，咁都觀察到 

「遲啲就會明我講咩架喇」 

希望啦....... 

「落番去喇！」 

「..........」 

落到去，我發現蒨頤已經走咗，不過算啦，我都冇乜心情，好快我都走咗 

之後夜晚嘅事我都唔係好記得喇，我淨係記得班群不斷plan緊聽日嘅流程，同埋蒨頤搵過我，但我唔知點去面對佢 

*** 

「其實你係咪鍾意我啫？」 

「.....下？！」 

「你紅都面哂咁你仲唔認？」紫晴特登哄塊面埋嚟 

「做......做咩咁問喎！」我塊面已經紅過關公 

「果然係怕醜仔嚟」 

「對住你好難唔怕醜架喎」 

「咁你即係鍾意我啦！」 
「同我表白啦~」佢再次哄埋尼 

「你......可唔....可以做.....做我女...女朋友！」我勁怕醜咁 

「可以！我哋拍拖啦！」 

「真係架？好估唔到」我掩住口 

「係呀！男朋友仔！」 

*** 

「呯！」 

「嘩Hi........」跌咗落床嘅我慢慢起番身 

我拎起部電話睇原來已經五點，橫掂跌醒咗，唔爭在睇埋日出 

呢一刻，回想番起頭先個夢，我喺度諗，其實我放得低佢未 

諗下諗下， 
我又瞓著咗 








『自己都解釋不到 對你這感覺』