[校園][愛情]《個女仔衝咗出馬路然後俾我救番》: 「第二章-失落」
第二章
「嗱，尼緊校慶，校長要我哋每班做一個主題。而地點就要申請。」
呢個係我哋班周sir，佢同我哋都算frd，次次我哋成班打波，食飯都會預埋佢。
「咁你哋想咩主題？」逸軒其實係班會主席嚟，
「影樓！」
「冰室！」
「咖啡室！」
有好多唔同嘅意見，突然間有人講「不如做空中花園啦，淨係用天台花園，學校又唔會比我哋搞佢哋啲野嘅」
「咁有冇人有異議？」
隔咗一陣
「咁就空中花園啦！周sir麻煩你幫我同學校申請天台花園，麻煩你。」
逸軒好認真咁講。
其實逸軒佢好認真嘅時候，冇人可以反到佢，但佢玩就真係好玩得。
其他班全部都揀哂課室佈置，而我哋就揀空中花園，咁我哋就係有排玩唔使做喇
......... 唔知點解.......我越嚟越眼訓...........
所以，我決定，訓覺。
***
「阿言啊！我哋分手啦！對唔住........」
「點解啊.......唔好離開我啦.....唔好走呀......唔好走呀！！」
***
「啊！！！」
「嚇死咩峰哥
，訓緊覺架
」 「叫你唔醒嘛，諗住問你陣間食咩，反正又有一粒鐘，又唔知食咩
」 「是但啦，麥記好似出咗個新包，反正好耐冇食過麥記」
「好」
食完飯，我同浩峰周圍行下，
我望見遠方有個熟悉又陌生嘅身影
但我完全冇勇氣去面對佢
『我再沒勇氣對你講舊時』