昨夜星辰恰似你: 13 .

「黃思啊黃思」我坐咗喺佢前面，然後擰轉身托住個頭望住佢

「有咩貴幹」佢依舊悶悶不樂

「個張紙⋯你都夠曬兄弟啦，我都未諗住表白」

「心悦君兮君不知」佢望住我。

望住佢嘅眼神，有一刻，我真係誤以為佢鍾意我。





「我梗係知下一句啦，我係話⋯」

「我係話⋯」佢突然坐直

「我⋯呢個兄弟都夠有義氣啦」佢又無奈咁笑咗笑

黃思，到底你苦惱緊啲咩。

「你⋯有冇送朱古力俾個個男仔？」我打破咗呢個尷尬嘅氣氛





「嗯，算係」

「嘩邊個先」

「**」

佢講得太細聲，班房太嘈，我聽唔到。

亦因為錯過咗呢一句，我錯過咗好多野。





-


「你啊」