心的距離: Behind the Scene - 04

「我只係想認真咁問一句：我哋而家究竟係點？」
Kevin 把我拉到公園來，就是為了問我這一句。
我頓了一頓，著實想不出甚麼言詞，只好誠實作答：「......我都唔知。」
他輕嘆一聲，說：「我覺得我哋嘅距離好似愈嚟愈遠。我明明同你係男女朋友，但係......但係只係好似掛名咁，根本就名不符實。唔知由幾時開始，我哋嘅話題只係得返工作，食飯好似例行公事咁......我同你，似同事多過似情侶。」
我繼續聽著他的話。
「甚至乎......」他低下頭，續道：「我懷疑你同另外一個人一齊。」
「我知係我唔啱，係我太多疑，但原來，裂痕一打開咗，你就算將佢修補，唔代表毫無痕跡﹑無發生過咁。我嘗試去說服自己，去相信你，但呢個裂痕成為咗我心入面嘅一根刺，我好辛苦。」
「我知道，我一懷疑你，我就再無資格做你男朋友，因為.......嗰份信任已經無咗。」他開始帶點哽咽。

「所以......」他抽了一下鼻。




「不如......唔好再糾纏落去，亦都唔好浪費大家時間......我哋到此為止啦。」
我雙眼頓時失了焦距。

「我唔係最適合你嘅人。」
「對唔住。」

他鬆開那捉緊我的手，就這樣低著頭離開。
但那黑色的身影，卻在我腦海中不斷放大，再放大......