心的距離: 22. 倒帶人生

窗外的景物不斷從眼前掠過，像走馬燈一樣。
我安坐著，並打開手機查看一下今日拍下的照片。
我指頭不斷向左滑動，直至放天燈的那一幅。

我終於看到粉紅色的一面寫著些甚麼。
我會心一笑，望著那呼呼大睡的傻頭，再別過頭望向窗外。

我本來以為，我應該不會談戀愛了。
我很怕被人嫌棄，很怕去猜度別人的想法，很怕看到付出都付諸流水的一刻。
但原來我心裡還有這種感覺，原來我還能夠去愛人，原來我還有讓人可愛之處。




因為她。
沒有她，我應該只是一個獨居而自卑的小巴司機。

窗外的走馬燈繼續為我數算著從前。
中五的我應該沒有想過，五年後我是一個小巴司機，然後重遇一個從前相交甚淺的同學，再跟她拍拖吧。
「世事難料」，莫過於此。

我繼續戴著耳機，傳來的是方大同的 Orange Moon。

“I'll search for the orange moon

that lit up our love on the ocean
whilei held your hand

Now watch all the waves from the stones
where we gazedto the golden sun

Ifi see the horizon
glow just the same as it did when we stood on the hill
I'll make the arrangements, just wait on that corner for me”





「台北站快到了，We are now arriving at Taipei......」

下車後，我們本想到某間著名食店食飯，卻剛巧休息，只好隨便找了間小店落腳，吃著滷肉飯﹑燙青菜和一些小菜。
味道還意想不到地好。

我含著滿嘴的滷肉飯，說：「睇嚟係天燈保佑我哋。」
她擺出一副「你大我呀」的模樣，回道：「你再吹大啲呀。」
「有時有啲嘢真係唔到你唔信。當我哋碰門釘時，就咁啱見到呢間舖頭。」我夾了些少青菜，並送進口中，然後說道：「而當我喺低潮嘅時候，就遇到你。」
「你幾時變到咁口花花㗎？我識嘅阿基唔係咁㗎喎。」
「唔係呀，我發自內心㗎。」我看著她說：「我真係覺得自己好幸運......」

「......多謝你。」

今晚我們沒有買啤酒，一來是前一晚還喝剩兩罐，二來是我怕傻頭又趁喝醉把我勒死。
在床邊滑著手機時，我在 instagram 看見肥仔然無故在傷春悲秋，字裡行間得知他在說阿敏要結婚一事。




「肥仔然啱啱先知阿敏就結婚，喺 ig 到呻。」
「係咩，都咁多年啦喎，仲咁念念不忘？」她探過頭來問道。
「佢條友仔，次次講起嘅時候都話阿敏係佢初戀。」她立即發笑，我續道：「我就立即更正佢，話係初次戀愛嘅體驗。」
「初戀，哈哈。不過講開呢，其實 Kevin 就係我初戀。」
我再次靜了下來，聽她傾訴，同時手裡握著幾張紙巾。
她竟然沒有像昨天般崩潰。
她見狀就說：「喂做乜攞晒架餐咁......我無嘢喎，琴晚發洩完之後就好好多。」
我佩服她的瀟灑，才隔一天就敢大方講起往事來。
她喝了一口啤酒，說：「記得有次我 final 考得好差，頹咗成個星期。佢只係講咗一句說話——以前嘅嘢唔緊要，重要嘅係唔好令之後嘅你後悔。」
「我今朝記起佢呢句說話，於是就膽粗粗咁問你。」
她頓了一下，再說：「所以我而家諗起佢嘅時候，雖然都仲係幾 hurt，但係無之前嗰種『好想件事無發生過』嘅感覺。我知道件事已經發生咗﹑過去咗，所以更加要珍惜當下愛惜我嘅人，唔好令之後嘅我後悔。」
這傻頭原來也頗懂事。
她再喝一口，自信地說著：「佢，伴隨所有發生過嘅事，一切都會成為我嘅回憶。無論係好定唔好嘅，都有份建構出今日嘅薛文穎。」

「回憶只剩下局部

就算再和你倒帶人生 能失而後得
那時環遊世界的夢也不再做了
只要依靠著」