痴漢劇場 之 香江夢話: 痴漢劇場 之 香江夢話 (第六回)

『大佬你前晚講果個新場得唔得先？乜野價位先？』

『最重要係呢，重有冇「選妃」呢一part呀？』

『冇錯！Ｄ女嘅質素我地係冇得控制嘅，好又一餐唔好又一餐，不過最緊要係有得比我地揀吖嘛！』

『有得揀又點啫？如果全場都係豬扒，我比你揀極咪又係揀返豬扒？係咪？』

『咁說話又唔係咁講喇！我揀件豬扒返嚟比自己個細佬食，係我兩兄弟嘅內部問題，比個經理揀件豬扒屈我兩兄弟食，就係敵我茅盾喇！』





這一夜，group入面一班老人家七嘴八舌，一面回味住當年東莞嘅點點滴滴，一面又為一堆爭論咗幾十年嘅「原則性問題」喋喋不休，直至又出現家英的短訊。

..........

『.......門開處，身後一陣寒風吹起，老朽隻身直入。「先生晚上好！先生有預約嗎？」女知客們分左右而立，嬌聲撲臉而來，彷彿當年模樣.........』

漆黑之中家英終於打破沈默。

『......「你們這裏有叫‘小芬’的OL麼？」不枉老朽苦練這一句普通話數十年，今晚竟派上用場。』





............

楚人有渉江者，其劍自舟中墮於水.........

刻舟求劍呢個故仔，大家都應該聽過啦？

有Ｄ時間同空間一旦錯過咗，就好難再返轉頭。然而世間上卻總有人痴迷不覺，喺錯誤嘅時空入面苦苦尋覓所謂「前塵影事」，雖白頭老朽而不悔。負面咁講，呢個人係傻仔一名，浪費energy。正面Ｄ諗，其實所有我地追求緊而未追求到嘅嘢都係虛幻嘅，唔理你追求緊嘅係一個實實在在嘅六百呎三房兩廳單位，定係一個唔存在於地球表面嘅空中樓閣。尋覓嘅過程絕對可以係主菜，絕對可以好有意義，只要當事人懂得樂在其中。

「刻舟求劍」故事入面呢個楚國人，可以話係現代痴漢嘅精神先驅，開山始祖。於不可能處尋找可能，百折不回，一痴到底，此人類文明之所以進步也！





..............

『你一位？』

『我一位！』

『有套票嗎？』

『有套！沒票！』

『你以前來過？』

『你們有OL嗎？』

『我們這裏有三種OL，有400的，有500的，有600的......』





『你去叫小芬出來！』

『叫小芬的是有，但不是OL。』

『哦？』

『小芬是model！』

...............

『當老朽聽見「小芬是model！」這一句，竟也啞然失笑。及後回心一想，既然「時間」可以令在下由一個十八少年變成白頭老坑，為何「時間」又不可以把一個五呎四吋高的OL變成一個六呎四吋的model呢？這麼顯淺的道理，可憐老朽一時間卻想不通！』