痴漢劇場 之 香江夢話: 痴漢劇場 之 香江夢話 (第二回)

夜深人靜，屯門友愛邨早已經燈火闌珊。

漆黑嘅屋邨單位睡房入面，忽然響起一陣短促嘅手機訊號。現袋通訊軟件法力無邊，話之你當時係喺度疴緊屎、扑緊嘢、定係揾緊周公，訊號一到，一切動作即時暫停。

『........昨夜繼續浪遊，至一小鎮，忽見一片七色霓虹光管，幻光灑落之處隱隱然傳來陣陣歌聲。老朽定神細看，見不遠處有一座三層高建築物金碧輝煌，頂層一大塊光管招牌，那‘莞式桑拿’四個大字赫然映入眼簾之際，老朽胸口亦忽然一緊！........』

『哇！好強烈嘅氣場！』睡房入面嘅陳伯此刻已經睡意全消，快手回咗一個短訊。

『老朽當時內心也是一千個念頭起起伏伏，幾十年來尋尋覓覓，皇天不負有心人，難道竟然就在今晚給老朽遇上了她們？！』





『喂大佬唔撚該你寫返廣東話好唔好』陳伯心急如焚，個短訊慳晒D標點符號，自己卻混然不覺。

『唉！四十年前老朽於神洲大地，只憑手上那三數招東瀛絕學，縱橫馳騁，遇強愈強，從樟木頭算起，一個鎮一個鎮打下去未逢敵手，什麼常平、莞城、黃江、大朗，遇一城便陷一城，no bull shit！沿途就只剩下那一灘灘從小姐們胯下流出來的洪水！......那個情景呀！What a scene!.......唉！』

『咁到底你有冇見返個女魔頭？』

『......及至後來，在下淹殺至橋頭萬壽宮， 唉.....老朽方知天外有天，人上有人....』

『屌！你答我問題先啦！』





『......唉....東莞三十六式大名如雷貫耳！論行走江湖在下雖然資歷尚淺，然而當年友愛邨父老們口中早已盛傳：‘其威力也.......吞吐閃爍、變幻無常，沉斂處有如靈龜入定、剛猛處卻似餓虎出林！其神力一着人身，敵即五內如焚、欲生欲死，只恨不得找一個破洞一頭伸進去便從此不再出來！’這些老朽心下又如何不知道？............』只見那個自稱老朽的人自顧自回想當年，不斷loop，接近hang機狀態。

『阿家英，當年阿死鬼羅友恆成日話，乜野‘東莞三十六式，風雲幻化，博大精深，一時龍游大海、無邊無際，一時虎嘯高崗、摧心奪膽’咁話喎！』個芒裏面忽然多咗一條老人家開聲。

『喂阿Simon你唔使答嗲喇！ 條友就嚟hang機，你打乜佢都冇反應㗎喇！』陳伯於漆黑之中又發出一條短訊。

『......老朽不知道的是，東莞三十六式裏面又竟然暗臧着一套‘幻陰靈蛇指’！.......』

『吓？乜話？！！！』





夜深人靜。

這一夜，三個老伯伯各自於地球某個漆黑的角落，握着劍指，拚命一般的在手機上劃過不停。