st.john中學見鬼事件: CHAPTER1

大家好，我係阿sam，今年28歲。係st.john中學既校友，大學畢業之後入左警隊做見習督察。而家係灣仔警署cid高級督察。

呢一日，我岩岩係半山區調查完單case，途中經過我以前既母校----st.john中學。於是我就停低係學校門口到望左好耐。

呢個時候，有個同我差唔多大既男老師係學校門口行左出黎。。

男老師：「喂！你係咪阿sam啊？我係vincent啊，以前坐你後面，一齊參選學生會戈個呢？你認唔認得我啊？」

我：「頂你梗係認得啦，你個樣同當年都一樣都係咁型wo哈哈。係呢你返黎呢到教書啊？」





vincent:「係啊，其實一直我都好想做老師。於是咪讀教育攞，同埋咁岩戈時st.john想請人，所以就返黎教啦。你就威啦！我成日係報紙同電視睇到你上鏡wo。」

我：「係咩？不過你唔好介意我醜樣就得啦哈哈。。」

vincent：「既然你難得返到黎，不如一齊入去學校行下啦！」

我地兩個人就行左入去學校.............

好在學校同我地讀書戈時差唔多，都冇咩點變。唯一變左既係我地f.6戈年既班房就空置左係到。





我：「喂點解我地個班房會吉左出黎？」

vincent：「你記唔記得當年戈單鬧鬼事件？」

我：「點會唔記得啊？講返當年真係好恐怖，嚇到我驚左幾日幾夜tim.........」

vincent：「自從戈單野之後，搞到好多同學都擔驚受怕，人心惶惶。於是校長後來咪話要close左呢間課室攞。」

呢單野要講返係十年前..........我地仲係讀緊f.6既時候