唉...諗住同三個friend去澳門叫雞，點知比班女友發現咗...: 61

Yoyo的語氣回復平靜，她道「當初我鍾意你，係因為你個人有男子氣概。但今日我好失望啊，你一群埋你班所謂朋友度，就即刻變得吊兒郎當，拖泥帶水！唔好話咩男子氣概，直頭男人都不如！你嗰啲係乜嘢朋友啊？」

我反駁道「你錯喇...」

Yoyo怒道「我無錯！尤其係嗰個Jayden啊，人格低劣，不知所謂，好事無佢份，衰野就做到盡！你地群嚫佢都無好嘢嫁！」

我大聲喝道「唔准你咁講我啲朋友啊！！！」

Yoyo沒有回話，電話裏傳來了一陣寂寥。隔了半晌，她才以哽咽的聲線道「記唔記得Katy啊...？你係咪想Cherry都好似佢咁...？」



我的腦袋頓時變得一片空白。Katy是Yoyo的哥哥Simon的前女友。她因為Simon的一次出軌，接受不了，最後自殺死了。那時候的情景，我依然歷歷在目。當時Yoyo的全家人也在現場，我和Yoyo剛剛趕到，Katy坐在18樓的窗邊，笑著和我們揮手，然後便跳下去了。

但最令我感到後悔的是，我曾經在Katy面前說謊，替Simon隱瞞出軌的真相。若果我在事情還未發展得這麼糟糕之前便坦白出來，結局可能經已變得不再一樣了。自此，Katy這個名字便成為我和Yoyo之間的禁語，亦是我心理上其中一個最大的弱點。

我無法說話，淚水漸漸從眼眶內滲出。

Yoyo說道「你只要打開"尋找朋友"就得喇，我部電話可以追蹤到你...」

我敵不過良心的責備，最終還是答應了她。



「我明白喇...」我說。