唉...諗住同三個friend去澳門叫雞，點知比班女友發現咗...: 44

四個男人穿著浴袍，底下全是真空地坐在床邊，感覺好像有點gay...

阿佳把雙臂倚在大腿上，低著頭，沈聲道「Jayden，你覺唔覺自己頭先有啲過份？」

Jayden冷笑著道「我過份？你試下無啦啦比人打一獲吖」

阿佳站起身來，指著門口，道「人地都係女仔嚟嫁，你講嘢有返啲分寸得唔得啊？」

Jayden反駁道「我有講錯咩？我講事實出嚟又有乜問題啊」



阿佳道「而家係我地有錯在先。人地都話如果你肯道歉嘅話，就可以當乜事都無發生過啊，但你就死都唔肯，仲要怪返人地轉頭，次撚次都係咁嫁！」

Jayden笑道「喂，留意返，我從來都無覺得自己有錯喎。係你自己一廂情願鍾意咩錯都攬哂上身，唔該唔好拉埋我落水」

阿佳道「我唔夠你講，但我至少起碼識得點去尊重人！」

勢成水火，我隨即擋在他們的中間道「一人少句啦，好無啊？大家好兄弟...」

他們稍稍冷靜下來，但房間仍充斥著一股濃濃的火藥味。



Jayden打破沈默，道「Ted，你過去執返啲錢」

阿Ted點著頭說了一聲好。

正當阿Ted想動身之際，阿佳卻馬上把他叫住，道「Ted，唔準執！」

阿Ted困惑地道「吓？咁點啊...？」

Jayden道「屌，咪撚理佢啦。錢嚟嫁，唔通同錢作對呀？」



阿Ted再度動身，但阿佳又再一次把他喝住，道「如果執返起啲錢嚟用，我地就真係同人渣無分別喇！」

我勸道「又嚟啦，唔好再嘈喇」

阿佳道「Matthew，我無你咁好脾氣啊。我已經忍夠佢喇！」他指著Jayden。

Jayden冷笑著說「你當自己係乜嘢啊？聖人呀？滿口人義道德，真係人唔笑，狗都吠」

他們怒目相向，處於膠著狀態。

這時阿佳的手機突然響起，稍為舒解了一下僵持的氣氛。

阿佳道「我出去聽個電話先」然後便氣沖沖走了出去外面的走廊。

Jayden站起身來，走到書桌旁，點起香煙，坐在椅子上，道「唔好理佢喇，成世人都咁固執」



阿Ted無奈地道「咁啲錢究竟執定唔執啊...？」

我道「執返先啦，廢事阻到人」阿Ted便把鈔票一張一張的拾起來。

Jayden望著我道「Matthew，你點睇？」

我道「我覺得，無論邊個啱邊個錯都好，為咗一件事而破壞咗段友誼，一啲都唔值得」

Jayden點著頭，笑了一笑。


阿佳回來後，我們便開始為接下來的行程而煩惱。

阿Ted道「啲女又走哂，我地可以去邊啊？」



Jayden想了一想，後道「um...有個地方唔洗點用錢都有機會食到靚女，你地有無興趣吖？」

我們疑惑地道「邊度啊？」

Jayden故弄玄虛，笑道「一陣你地就知，而家換衫先，十五分鐘後大堂等，dismiss！」


新的一章，新的開始...