唉...諗住同三個friend去澳門叫雞，點知比班女友發現咗...: 11

穿過大陸的海關，走出關口，我們便到達了深圳。不知怎的，大陸的空氣總是帶有一種刺鼻的味道，令人感覺不太暢快。我們正站在關口外的天橋上，而Jayden則剛剛從找換店回來，低著頭，數著錢。大概來回地數了兩三遍之後，他便抬起頭來對著大家道「依度有一萬蚊人仔，應該夠哂我地今日嘅洗費。我而家比一千蚊你地袋住先，廢事一陣比啲援交妹獅子開大口」

我們也紛紛點頭示好，他便逐一給我們派來十張一百元人民幣。然後他又道「仲有無問題？」

這時阿Ted卻突然大聲道「仆街喇！」

Jayden道「又點啊？」

阿Ted拿著手機，緊張地道「如果一陣Macy無啦啦打嚟，然後佢聽到我個接駁鈴聲唔同咗，咁佢咪知道我返咗大陸囉，死喇死喇死喇...」



Jayden不耐煩地道「大佬啊，你淆少陣得唔得嫁？你識咗Macy咁耐，佢有幾可會主動打電話比你啊，通常都係得你搵佢，無佢搵你嘅。更何況佢而家仲嬲緊你，又點會無啦啦打比你啊？」

阿Ted有點失落地道「都係嘅...」

Jayden又接著道「如果你仲係驚嘅話，咁咪隔一兩個鐘喺啲IG啊Facebook度post下嘢，制造下啲你喺香港嘅證據囉」

阿Ted立即猛點頭，並笑著道「係喎係喎，點解我咁都諗唔到嘅，都係你醒」然後便開始猛按手機。

說實話，其實在剛剛踏出關口時，我也有點戰戰兢兢。平時到大陸尋歡，總是有工作理由做籍口，但今次突然偷跳，卻沒有任何東西作掩護，又沒有預先備案，假如一不小心被發現了，真的不知道Yoyo會怎麼想...



Jayden又道「好，各位兄弟，我約咗班女九點三喺露天商場度等，而家搭的士過去就啱啱好。所以我問多你地一次，準備好未啊！」

我們齊聲道「準備好！！！」

Jayden滿意地笑一笑，後道「好兄弟...」


援交妹，我們來了....