[倫理小品] 姐夫與小姨仔的不倫關係: 第十五章 : 離婚

自從知道老婆有左呢個消息之後,唔知點解, 我同我老婆嘅關係就好似變得好疏離咁, 而家每晚我地三個人響屋入便, 剩係得惠宜先同我有計傾, 老婆除左食飯沖涼同去廁所之外, 其他時間就只會響房內攤響張床度瞓覺, 夜晚搞野就更加唔使旨意, 隨住老婆個肚已經愈黎愈大, 但對我嘅態度就更加愈黎愈冷淡。
 
今日, 我買左本嬰兒雜誌, 正研究睇下應該買啲咩 BB 用品好, 「老婆,我地不如買呢張 BB 床放響房入便, 呢個 BB 盆都好靚, 不如我地…..」 我將本雜誌遞到響廚房中惠姍嘅面前, 惠姍居然一手就將我本雜誌推開, 然後就行左出去客廳出便。

呢幾個月黎我已經忍左好耐, 終於, 我忍唔住就大喝左惠姍一聲, 「夠嘞惠姍, 妳話比我知, 究竟妳而家想我點? 個肚都已經愈黎愈大, 家下我只係想講下我地將來要共同面對嘅問題, 但同親妳講就十問九唔應, 問妳意見又唔答我, 妳個心諗緊咩我又唔知, 去檢查妳又唔使我去陪, 到底妳想我點妳先至滿意呀?」 
 
惠姍正目無表情咁坐響張梳化度,  跟住見佢突然喊到收唔到聲咁, 「嗚…..呀偉…..嗚, 不如...嗚…嗚….」 我同惠宜靜晒咁聽緊惠姍嘅繼續, 「嗚….不如…我地離婚吖…嗚…….」

我手上本雜誌已經跌左落地, 我無聽錯吖嗎? 我老婆惠姍居然話要同我離婚, 呢個時候, 惠姍突然起身就行去開門衝左出去, 惠宜見我仲係呆哂咁, 跟住佢亦開門出去追住佢家姐, 我呆呆咁坐響張梳化度, 我腦內已經一片空白, 到底我地之間發生左啲咩事? 點解惠姍居然話要同我離婚? 而家連我到底係衰咩都唔知, 但唔通, 唔通佢已經知道左我同佢個妹啲野? 定抑或…., 我腦內正不斷想住好多好多可能性嘅問題。



已經夜半時份, 街角上有三個人正神色凝重咁呆企住, 尼路正搭住惠姍嘅肩膊, 惠姍仍然響度喊個不停, 惠宜正為啱啱知道事情嘅始未, 個心已經一片混亂同極度擔心, 「家姐, 妳真係決定左要同姐夫離婚? 妳有無考慮清楚架?」  惠宜正怒啤住眼前呢個破壞左家姐同姐夫關係嘅尼路, 而尼路就正迥避住惠宜嘅眼神。
 
惠姍喊住咁同惠宜講, 「惠宜, 我都唔想咁做架, 但….我肚入面果個係我嘅親骨肉, 我係唔可以唔要佢架, 呀偉果便, 我已經再無面目番去見佢, 所以妳一陣番去就同我將件事話比佢知, 同講埋我唔會再番去果度住架嘞, 今日開始我就會搬去尼路屋企度住, 我啲野第日妳先至幫我擺番過黎, 聽日我會上律師樓去搞埋啲分居手續, 我想個 BB 出世之後, 出世紙上可以真正寫番BB個爸爸嘅姓名上去!」

惠宜見到家姐咁決絕, 個心正為一陣番去點同姐夫交代而感到擔心, 一個鐘頭之後, 我見惠宜一個人番到黎屋企, 見惠宜正神色凝重咁黎望住我,  而我就仲係呆坐響廳中嘅梳化度, 惠宜開始埋黎坐響我身邊, 見佢正欲言又止咁, 隔左好耐, 惠宜終於都開口同我講。 
 
「姐夫, 你….先冷靜啲咁聽我講…..家姐佢……」  惠宜將成件事一五一十咁講比我知, 事情終於都被真相大白, 我同惠姍離婚亦事在必行, 而呢間住緊嘅共同擁有物業亦決定將要賣出, 而惠宜亦需要搬番去屋企同呀爸呀媽一齊住。