我的性愛故事: 27.
「喂喂....你做咩合埋眼？快啲睇下啦....」Minnie說。
我不敢睜開眼，一想到那件很長的東西便感到害怕，所以只好閉上眼睛，深怕看到一些危險的東西。長的東西可以是長柄雨傘、可以是間尺，亦可以是冰鑿.... 我想Minnie應該不會因為我沒有聽她講話，而把我殺死吧。我不要明天的新聞頭條是「女同因愛成恨，姦殺伴侶被捕」或是「女同志縛在床上，慘被冰鑿插死，死狀恐怖」，然後再配上一張肥腫難分的「遺照」。我不能想像到時的情況，一想到可能會被殺死，然後會被人「笑死」，我內心害怕得哭起來。
「我求下你，我以後會聽曬你話，你放過我啦....」我哭著向Minnie求情。但我的求情換來了一片沉默。 聽不到Minnie的回應，令我更加害怕和心寒。這段靜下來的時間有點像在澳洲被Helen縛在床上的感覺一樣，既無助又絕望。
「喂....」
「點解你會咁驚架....嘿嘿...你快啲擘大眼睇下先啦...」Minnie 伸手抹去我眼窩下的眼淚，更加讓我不寒而慄。
「....求下你啦...我以後會好乖架喇...你唔好殺我....」我嚎淘大哭。
「下，點解要殺你？....哈哈哈哈，Carrie姐，你係唔係傻咗呀？你擘大眼，睇下先啦....」Minnie突然大笑起來。
我緩緩的睜開眼。因眼睛一時接受不到光線，只好眨眼慢慢適應。隱約之間，看到眼前的是一枝紅玫瑰。
「呀～～～咩料呀？」老實說，看到玫瑰比看到冰鑿好，我頓時鬆了一口氣，同時又為Minnie的惡作劇而憤怒起來。
「你係咪痴線架，搵啲咁嘅野玩....快啲鬆開我啦...」
「唔制，鬆開你，你又唔會聽我講野嘅....」Minnie說。
「有啲野，我想講好耐，但又冇機會講...今次一定要同你講清楚...」
「你講我一定會聽，但你講之前，可唔可以先解開我，我想坐好啲先聽....」看到Minnie一臉嚴肅的跪在床邊，令我也不禁認真起來。看來她想說事的也很重要，但我不想雙手被人縛在床頭，雙腳被分開縛在床尾的情況下，聽Minnie說正經事。
「唔駛喇....你聽我講就得啦.....其實....我想...我想同你結婚...然後...生仔...Carrie，我請你嫁比我丫....」說著，Minnie從床邊拿出一個精緻的盒子，她慢慢地打開盒子，中間放了一隻鑽石戒指。
「我諗得好清楚，我想以後嘅日子，都有你係身邊。無論發生咩事，我都想拖住你，同你一齊面對，我會好好錫你，然後同你玩SM，唔會令你傷心難過架。請你應承我，做我今生今世嘅only one啦....」 我被Minnie弄得啼笑皆非。
「Minnie姐....你唔係比個咁難忘嘅求婚比我呀....」看到Minnie一臉認真跪著求婚，我真的很感動。但是，別人的求婚是在摩天輪上、沙灘或電車上，而不是在床上被縛著求婚吧。
「就係咁縛住你，你先唔會走左去，又唔會唔聽我講野...而且你又喜歡比人縛住嘅....咁難忘唔好咩？.....認真，我真心希望可以同你白頭到老架.....唔該你say yes ...」Minnie滿心期待地說。
「你解開我先啦...」
「你say yes先啦...」
「你放左我先啦....」
「你say yes先啦....」
「我......」
「叩叩叩....」門外突然傳來叩門聲。
「Carrie快啲應承Minnie啦....」估不到Katrina也有份策劃是次求婚大作戰。
「哼......你竟然搵埋Katrina幫手...」我假裝憤怒地說。 其實Minnie有沒有向我求婚，我也會視她為終身伴侶。我不相信一紙婚書，但卻因為有了婚書才可以保障Minnie。我不想在我病重時，她沒有決定權；在我死後，她得不到我的任何遺產，甚至只能以「好朋友」身份參加我的葬禮。我決不能讓她受到任何委屈，所以當台灣宣布同志享有結婚權利時，我已經想過跟她往台灣結婚，只是沒有想過她趕在我前頭的。
「我冇同Katrina講過喎....」Minnie卻茫然地說。
「Carrie應承左之後，Minnie快啲解開佢啦....我....我應該生得喇....」Katrina大聲疾呼著。
「噢.....」我和Minnie也不約而同地大叫起來。
「快啲解開我啦...」
「得啦...唔好催...」
「好痛呀...你地快啲喇....」
「不如報警先啦....」
「唔得唔可以，解開我先可以報警...我唔想聽日見報...」
「呀～～～～～」
「忍多陣....」
「好快好快....」 在極度慌亂的情況下，Minnie把我解開了，然後我們一同送Katrina到醫院。
「咁耐嘅...」
「等多陣啦，啱啱入去咋...唔好咁緊張，過嚟坐下啦....」我拉著Minnie的手，示意她坐下。
「咦咦咦......你幾時戴上隻戒指架？」Minnie捉起我的右手，看著那隻戴在中指，閃閃發光的鑽石戒指說。
「頭先囉....你想我除返出嚟都得架....」我作狀地說。 但是我並不捨得把戒指脫下，因為我很想做Minnie的「only one」。過去，我們經歷很多，開心過、甜蜜過、失落過、失望過，但彼此的心仍有對方，仍然願意為對方分擔喜樂哀苦。這一切也證明我們真的有愛。將來縱使難行但也一定仍能輕鬆面對，因為愛在我們之間，愛能解決一切。
「唔好除....戴就戴一世啦，好唔好.....我愛你，Carrie」
「我也愛你，Minnie」
「邊個係梁嘉洛家人呀？母女平安...」護士從產房走出來說。 聽到護士的說話，我和Minnie也喜極而泣，擁抱在一起。
因為自此，我們的世界將會變得不一樣了。