[真人真事][校園][純愛]《最陌生的人，就是曾經最熟悉的人》: 第二十六章

我:「咁早嘅 」
呀琳:「唔係呀,
我都係啱啱到啫 」
我:「係咪真呀
唔好吹水喎.」
呀琳:「真呀 」
我:「話時話,
你今日著得好靚 」
唔係講笑,
呀琳今日真係著得好靚




化左淡妝
令到原本係已經係傾國傾城嘅樣再昇華
至於再昇華係點樣形容就唔好問我喇
我啲中文都係麻麻地
上身一件白衫,
再有一件黑色類似外套嘅嘢披住
下身著裙加黑色絲襪
真係冇得頂
當然,
就算佢點著,




我都讚佢靚架喇
所以都係嘥氣啦
呀琳:「多謝呀
你都幾型仔丫 」
俾女神讚一讚,
即刻成個人醒晒
我:「一年一度除夕丫嘛 」
其實除夕喺我心目中只係配角,
你先至係主角
當然,




以我咁淆底嘅性格,
呢句說話梗係冇講出口
呀琳:「唔好再讚嚟讚去喇
你睇下鍾唔鍾意 」
之後佢喺佢件外套袋入面拎左個鎖匙扣出嚟
個鎖匙扣係蠟筆小新個樣嚟
證明佢真係好鍾意呢個卡通人物
連送俾人嘅嘢都係關於蠟筆小新
我:「鍾意呀 」
呀琳:「係咪真架
唔好氹我喎 」
我:「真架
你送乜都鍾意啦 」
呀琳:「口花啦你 」
其實呢句係我真心話嚟




不過如果用一個好認真嘅語氣去講,
個氣氛可能會變到好尷尬
所以我特登嬉皮笑臉去講
但講到尾都係認真嘅
唔知佢知唔知呢
呀琳:「呢個鎖匙扣唔止特別在小新架
仲有一個特別位 」
我:「竟然係咁 」
之後我拎起個鎖匙扣望左幾下,
拎上拎下咁樣望
都見唔到有咩盞鬼之處
呀琳:「試下望下後面 」
我真係死蠢
咁都唔知可以望後面
咁我之後就聽呀琳講,




望下個鎖匙扣嘅後面,
發覺有個字喺度
而嗰個字好似個「琳」字
我:「呢個係咪「琳」字 」
呀琳:「你覺得唔係個「琳」字
咁係邊個字呀 」
我:「點解無啦啦刻個字上去」
呀琳:「咁我見你......平時又成日同我食......甜品,
又肯......陪我玩......msn game,
又肯幫我拎......鋼琴,
咁咪特登刻個字上去囉......
唔鍾意呀 」
我:「鍾意呀
幾特別 」
呀琳:「梗係要夠特別啦




個鎖匙扣日本好多地方都有
但我又覺得好靚喎
如果就咁買個鎖匙扣就唔特別啦,
所以我尋日專登出嚟
搵啲舖頭去刻字架 」
聽完之後真係有少少感動
估唔到呀琳會做咁多野
我個人生涯入面,
都好少會有一個人會專登為我做啲野
而今次呢個人,
仲要係我鍾意嘅人
所以真係特別開心
我:「多謝你呀
個鎖匙扣真係幾靚 」
呀琳:「你呀,




唔準唔要呀
尋日搵鋪頭搵到好辛苦架 」
我:「得得得
一定會唔要 」
呀琳:「咩呀
你講多次丫 」
我:「我話一定唔會唔要呀 」
呀琳:「算你啦 」
事實上,
依家個鎖匙扣,
我都仲有keep住
佢仲係連住我屋企嗰條鎖匙,
每日都會帶喺身邊
好彩咁多年以嚟都冇爛,
但唔知佢個主人仲記唔記得呢個承諾呢?
我:「話時話,
你好似真係唔怕凍咁喎
都冇包到成個粽咁樣 」
呀琳:「我真係唔多驚凍
反而你好似仲凍過我咁喎 」
我:「其實我怕凍架
只係一直冇講 」
呀琳:「唔緊要啦
可能行行下會喛返 」
我係好怕凍,
但更加怕冇左你.

之後我地去搭巴士出旺角,
呀琳拎左個耳機出嚟,
呀琳:「聽唔聽歌呀 」
我:「好呀 」
其實我就好享受搭巴士聽歌,
因為咁樣可以俾自己鈴靜下
原本我就唔係好鍾意同人一齊聽歌
不過今次係呀琳就算啦
之後我地就一人一邊,
佢禁隨機播放,
我地全程就喺度聽歌喇
聽聽下,
幾乎有九成都係陳奕迅
佢真係好鍾意聽佢啲歌
既然有九成都係陳奕迅,
即係唔係全部啦
事關我聽到上次呀琳唱俾我聽嗰首孤單心事
再認真啲聽一次,
我發覺都係呀琳唱得好聽啲
不過當呢首歌播緊嗰陣,
我見到佢個口有郁
照我睇嚟
我估佢係做口形唱緊呢隻歌
而且佢個視線好集中,
聽得好投入
其他歌佢係冇呢個現象
佢應該係好鍾意呢隻歌
當嗰首孤單心事播完之後,
我:「呢首歌都係你唱得好聽啲 」
呀琳:「你仲記得喎 」
我:「梗係啦,
你自彈自唱得咁好聽 」
之後我地繼續聽返歌,
直至落車.