[真人真事][校園][純愛]《最陌生的人，就是曾經最熟悉的人》: 第九章

補習嗰度冇乜特別野就唔多講喇,
補完之後,
我同呀琳附近行住先
好奇怪,
我同佢行嗰陣唔會好唔自然
大家有傾有講,
唔會dead air,
傾得嚟又唔係好夾硬嗰種
唔通人夾人緣?
喂俾我ff下都得掛




咁我同佢行嗰陣,
經過一間琴行
呀琳:「不如入去睇好冇 」
咁唔通我話唔好咩
所以我地就入左去,
入到去佢掛住去睇其中一座鋼琴,
之後佢問我:「樂仔哩座琴靚唔靚 」
我:「靚 」
我嗰下真係由心而發,
唔係特登遷就佢先話靚




最衰我唔識鋼琴丫
如果唔係可以形容得更加多
呀琳:「有taste 」
我:「乜你好鍾意呢座琴咩 」
呀琳:「係呀,哩座係我最鍾意嘅琴 」
我:「乜原來你識彈鋼琴架 」
呀琳:「少少咁啦 」
我:「不如喺度表演一次囉 」
呀琳:「會唔會嘈到人架 」
我:「你彈得咁好聽唔會嘅




啲人覺得係享受 」
呀琳:「嘻嘻,你又知好聽 」
我:「估架咋 」
呀琳:「咁我彈喇.」
我望住佢彈鋼琴,
流露出一股自信
嗰一刻嘅呀琳,
比平時更加認真,更加專注
唔係講笑,
真係有股氣場喺度
你見過就明架喇
絕對冇誇張,
好明顯佢個造詣唔簡單
有人成日話,
女仔究竟做乜野先最吸引你,




有人話識煮野食
有人話識打機
有人話識打掃
當我見到呀琳彈琴之後,
我毫不猶豫講,
呀琳彈鋼琴嗰陣係最吸引我
而往後,
每當我見到女仔識彈琴嗰陣,
都會加分,
不過無論見過幾多個識彈琴嘅女仔都好,
最吸引我嘅始終係呀琳
可能係第一次嘅關係,
真係最震撼.

呀琳:「點呀,彈得好唔好?」




我:「好犀利呀學左幾耐 」
呀琳:「八年左右啦 」
我:「真係彈得好好聽 」
呀琳:「麻麻地啦,呢個世界仲有好多高手 」
如果係第二個講,
我實話佢係扮野
呀琳講就話謙虛,得體
吹呀我係偏心架喇
我:「你彈琴個樣好靚呀,
認真 」
我唔知我做左啲咩,
搞到我有勇氣講呢句
呀琳:「哦,即係話我平時唔靚啦 」
我:「唔係,
平時都好靚,




只係頭先更加靚啫 」
呀琳:「幾識講野喎 」
我:「認真架.」
呀琳:「真係 」
我:「我係唔會呃你 」
呀琳:「嗯,信喇信喇,
多謝你 」
我:「可唔可以彈多次 」
呀琳:「見係你咋,好啦
無啦啦呀琳做乜講句咁曖昧嘅野
算啦唔理喇,
一於繼續沉醉於呀琳嘅琴聲
彈完之後行出舖頭出面準備走,
呀琳:「樂仔有咩興趣架 」
老實講其實冇乜




冇一樣嘢真係好有興趣
不過我擔心我咁答,
個女仔會覺得嗰個男仔冇乜目標
所以打死都話有
我:「踢波都算嘅.」
呀琳:「我都估到唔係踢波就係排球,手球嗰啲架啦 」
我:「點解咁肯定呢
籃球唔得嘅咩
還掂咁多人玩籃球 」
呀琳:「你身高唔似 」
我:「即係串我矮啦 」
呀琳:「哈哈講笑咋 」
一見佢個招牌式笑容,
又點會嬲俾人笑矮呀,
直情可以溶左個心
我:「不過麻麻地,
唔係好叻
一定冇你彈琴咁叻.」
呀琳:「你係咪扮謙虛咋 」
我:「真架,
只係叻個啲唔識踢波嘅人 」
呀琳:「都唔知信唔信你好
遲啲上pe堂嗰陣『目及』住你先 」
呀琳佢會留意我呀
好野
我相信每個巴打都試過因為咁樣而興奮
呀琳:「我喺呢度上車啦,
聽日見啦拜拜 」
我:「拜拜.」
原來不知不覺間掛住講,
送左佢去巴士站都未知
每次同呀琳相處嗰陣,
時間總係過得特別快