迷失於這個石屎森林裡: 第四章︰妄想的鏡子 Part 3

「我睇過呢條片，Gavin…」
「我同你，大家都睇Q過啦，之前有人報案話非法禁錮單嘢咪呢單嘢，不過條友好Q重口味，淋濕嗰個女仔，用鐵鏈綁著佢，但係咩嘢都唔做，淨係影住嗰女仔對腳…老老實實，我好撚憎人著類似Teva涼鞋咁嘅款式，我覺得得弱智先咁著…Tom，如果我條女同我喺約會嗰陣著件咁嘅鞋，我會喺條街屌柒佢…」
「頂你，Gavin，你講嘢一啲人性都無，條被人綁著嘅女…叫小君，咁俾嗰位柔若咁凌辱法，條友仲癡線到代入佢個角色，喺條片簡介寫篇咁嘅甜故…人渣嚟嘅…」Tom越說越激動，Gavin此時竟不發一言，他們現正身處於升降機裡，升降機的顯示屏從40慢慢倒數至30…
「但係嗰位小君係無人報失蹤，仲生勾勾喺度，而條女係真係好似小君，有少少奇怪…唔通柔若條友喺呢個鏡子裡嘅空間有超能力，可以為所欲為，包括創造一個人…」
「Tom，照你咁講，喺呢度，佢同神係無分別，只要佢想，我哋隨時死咗，不過到依家我哋仲好似哥哥首歌咁，心跳呼吸正常…」
「你唔記得我哋開槍射中條友，會唔會咁樣影響佢嘅所謂能力…」
「咁講又係，如果唔係唔會咁順利，Oh，部Lift開門啦…」升降機開門，站在他倆面前的，是一名與他倆之前所說的影片的女子小君。
「小君…」Gavin托起眼鏡，突然小君右手拿起菜刀，刺向Gavin！
「砰！」Tom開槍打中小君頭部，小君倒在地上。
「唔好理啦，Gavin，快啲搵到柔若拉鳩佢老母…」




6
Gavin與Tom身處於白色圓形大堂，有著八道不同顏色的門，他倆憑著直覺望向白門，飛快的走向白門方向。
「唔準走…」他倆身後傳來詭異女聲，轉頭一看，居然是剛才頭部中槍的小君，全身居然完好無缺。
「怪物呀…」Tom失控高呼，Gavin右手舉起左輪手槍射向白門門柄，「砰」的一聲，白門打開了。門後的柔若抱著右腿，痛得面容扭曲，聽到槍聲，心知不妙，他轉頭望向牆邊那面全身鏡，心生一計。
「快啲返番現實世界，打爛塊鏡，等到班契弟永世留喺度，反正得呢塊鏡可以入到呢個我所創造嘅世界…」柔若一跛一跛的走向鏡子。
「屌，柔若條友想走，Gavin，開槍砰佢！」Gavin右手舉槍，但已經遲了…柔若走進了鏡子消失了…
柔若望著周遭環境，熟悉的睡床，熟悉的衣櫃…
「我終於返番我個睡房…」柔若豈敢怠慢，走向衣櫃方向，雙手打開衣櫃，衣櫃裡竟放著木棍。他竭力的走向鏡子，雙手用力的揮打著鏡子，鏡子承受不了那道衝擊力，應聲碎裂。
「咩嘢事…」Gavin與Tom感到現時身處空間不停的震動，「啪裂」一聲，眼前景物如鏡子被打破般應聲碎裂。
「咁樣…我條命就玩完…阿Tom，你喺邊…」




柔若腳步浮浮的向著自己家中門口走著，照他現時情況，加上兩位追捕他的警察消失，鐵定會成為通緝犯。突然，柔若全身無力的倒在地上，面朝地板。
「係咪我頭先打爛咗塊鏡嘅後果，果然…塊鏡同我條命有好大關係，塊鏡碎咗，我嘅生命都走到盡頭…」柔若喃喃自語，他抬頭望著門口，有人推開門，他看不清眼前的人模樣，那人慢慢走到柔若面前…
「柔若…小君我…嚟接你返去…」