迷失於這個石屎森林裡: 第四章︰妄想的鏡子 Part 1

2
Gavin走進「鏡子」後的空間，那是一道白色，看似無盡的走廊，Gavin望著後方的鏡子，突然鏡子竟有條腿穿出來，Gavin神色凝重，原來Tom從柔若睡房裡跑向鏡子，身子穿透了鏡子，來到Gavin身處的白色走廊。
「你叫咗增援？」
「係，Gavin，邊度嚟…inception，定係Matrix？」Tom向著Gavin問道，面帶疑惑。
「點知！我唔信呢啲超現實嘢嘅，估唔到咁都有俾嗰條友走佬的暗道…」
「暗道…Gavin，我唔信。之後睇過呢間大廈圖則，印象中無呢道你所講嘅暗道…同埋你覺得呢度…好詭異…」Tom面色不禁一沉，Gavin向著Tom唉著氣。
「你忘記我之前講過嘅嘢，咦？」Gavin向著Tom方向瞪著眼，只見Tom身後的鏡子慢慢消失了…
「仆街啦，Gavin…依家點算，走唔番出去…」Tom雙手抱著頭，Gavin望著Tom拿著左輪的右手。
「Tom，跟著我行…」Gavin伸出左手，向Tom做出「過來」的手勢，Gavin及Tom慢慢於走廊走著，走著…
「Gavin，我哋走咗幾耐，我有啲口渴…」




「屌，收聲，Tom，我諗緊嘢…」Tom聽到Gavin竟對他如此無禮，左手向著Gavin伸出中指，Gavin亦回以中指，雙方竟笑了。
「好似行到尾…」Gavin與Tom望著走廊盡頭處的一道紅色的門，表情怪怪的，Tom左手準備伸向門柄。
「咪住！」Tom左手凝住了。「會唔會你一開門，道門就會爆？」
「癡線咩，Gavin，你睇戲睇上腦呀，況且，我唔覺柔若會咁Q勁會…」Tom正欲爆發，那道門竟然自動打開了，剛才Tom說得如此激動，他倆竟不需花費氣力，那道門「為他們打開」。Gavin準備走進去，Tom伸出左手，示意他要停下來冷靜。
「等等，我哋依家咁行入去，可能出唔番嚟…」Tom左手拍著Gavin膊頭，一臉驚恐。
「唔通企喺度等咩，況且，你搵唔搵到邊度我哋走出去？」Gavin左手按著Tom左手。
「OK，我哋行入去，睇吓嗰位周先生搞乜鬼…」Tom隨後跟著Gavin走進那道門後的空間，他倆並不知道他們此程會一去無回頭…
3
Tom及Gavin突然眼前一黑，他們其後睜開眼，四處張望，發現他倆身處一間白色房間，房裡有一張長方形木枱，木枱擺放著眾多物件，亂成一片;牆上掛著約略70吋的「電視機」。
「有道門…」Tom反應尤若發現寶藏的海盜般，衝向門口。「嘭」的一聲，Tom竟撞不破那道白色門口，四腳朝天。




「屌你老母，仲話你學堂攞高分，你都Kai嘅。睇吓張枱有無鎖匙啦…」Gavin望著倒在地上的Tom，哭笑不得。
「呢個…係一切的開始…」一把女聲從Gavin背後傳出，Gavin警戒地雙手提著左輪手槍轉後指向「電視機」方向，Tom亦從地上站起來，拿著手槍指向「電視機」。
「吓…無人…」Gavin竟不爭氣的笑了。
「Tom，睇吓張枱…」突然，電視機突然開啟了，白茫茫一片，Gavin不以為然，轉身望著木枱，雙手找尋著那道門的「鎖匙」。
電視機顯示著坐滿著學生的課室，一名身穿白色校裙，長頭髮，樣貌標緻的女子站在教師桌，看似有事要向室內學生宣佈。她慢慢從裙袋拿出一張寫了字的白紙，然後雙手拿著那張紙，做出彷如朗讀的姿勢。
「致小君，妳是我的靈魂，妳是我的生命，自從我見到你，尤如找到螢火蟲。如果我沒有妳，人生都變傷悲…我想做妳男朋友，但求得到妳允許，本人實在不勝榮幸…小清新，周柔若上…乜鬼嘢嚟架，寫得咁肉麻，哈哈…」那名女子竟失控地大笑，整個課室忽然充斥著嘈雜笑聲，及咒罵聲。
「屌你老母！」「Laugh Die Me！」「嗰個成個人妖嘅柔若寫架，好肉麻！」一眾學生抱腹大笑，彷似醉漢，只有一名貌似女子，身穿校衫校褲的男學生依舊一動不動的坐著，面如死灰。
「阿若…係你俾呢封情信我架？」小君慢慢走向那名男學生柔若方向，右手拿著「情信」伸向柔若面前，她雙手慢慢撕著那封情信，情信化作碎片散在地上。
「搵到鎖匙喇！」Gavin左手拿著「鎖匙」，Tom仍然雙眼望著「電視機」，看得著了魔似的。
「有乜Q嘢好睇，咁嘅情節TVB時不時都播啦…」Gavin對著Tom大叫，突然「電視機」畫面轉了，畫面裡的柔若身穿校服，拿著書慢慢落樓梯，忽然他被人從樓梯推下來倒在地上，一名臉帶傷疤的男學生衝向柔若方向，右腳踢向柔若腹部。




「癩蛤蟆想吃天鵝肉，門都無呀，唔好俾我再喺學校見到你。」畫面「播映」到此處便停了，黑成一片。Gavin將鎖匙插著門口的鎖匙孔，Tom如夢初醒般走向門口。
「開咗，Tom，行喇…」