《亡命者》「選擇」「領袖」: 第一百三十四章 最終一戰 (貮拾壹)

另一邊廂 會議展覽中心天台



榮凱引爆一波飛彈後轉身看著洪迪，後者依舊跪在地上

但洪迪看著手中的對講機不語，榮凱趁著未看見下一波飛彈前走到洪迪身前。

榮凱單膝跪下説：『洪迪，我知道事實係難接受…相信我…我都經歷過，但係最重要的是你有無接受的勇氣』





洪迪抬起頭，雙目無神看著榮凱，後者右手放在洪迪肩膊上，輕拍著安慰他


此時，飛宏，kinglam和帝皇猩趕到天台，剛好看見榮凱的舉動。

Kinglam摸著後腦説：『我地係咪阻住你地搞gay？』

飛宏負手無奈説：『你可唔可以去死？』

Kinglam理所當然地説：『緊係唔得啦，想我死嘅人要排隊排到上外星呀，你去隊尾拎籌啦～』





榮凱按頭無奈説：『我地一定係搞gay啦……』

帝皇猩沒有回應，只是安靜地看著張河。


『噗！…哈哈哈哈哈！！！』

誰不知，洪迪竟然抬頭大笑，令三兄弟和帝皇猩的目光落在洪迪身上。





洪迪罕有地笑著説：『我地新政府想改變世界就要去到自相殘殺的地步，而你地亡族不但可以同新政府對抗，重可以上下一心毫無破綻』

洪迪認真看著榮凱説：『究竟你係點樣做到？』

『我…都唔知』榮凱摸著後腦説

『可能…我一直都有班好兄弟係身邊，先可以有今日』

飛宏和Kinglam左右搭著榮凱的肩頭


洪迪看著這三兄弟，摸著下巴不語，彷彿思考兄弟是甚麼東西。

而榮凱早就注意到帝皇猩的存在，只是看到牠跟著飛宏和kinglam二人前來，所以一直沒有理會，但現在是可以詢問這隻帝皇猩的時候。






『你…係敵人定係朋友？』榮凱單刀直入地問

飛宏代答説：『放心啦阿榮，佢係自己人』

Kinglam説：『無佢，我地可能被飛彈炸死左』

飛宏接著説：『同埋佢都想加入我地』


榮凱問：『點解？』

『因為…劍皇化解左帝皇猩對人類的仇恨』

説話的…正是一直沉默的張河。






『我只係做一個人類應該做的事』榮凱淡然地説

張河不屑地説：『切…人類只會自相殘殺』

榮凱無視了張河，看著眼前的帝皇猩説：『你係咪願意跟隨我作戰？即使要你同一班人類一齊』


帝皇猩看著榮凱，給予一個肯定的眼神和點頭，隨後單膝跪下低頭舉起右手。

榮凱看著帝皇猩，右手不知不覺間輕放在帝皇猩的右手上

『從今日起…你的名字為：亡猿』






亡猿接受自己的新名字後站起來，雙手拷打著胸口，為亡族立威。

『哇嗚！！！！！！』


亡猿的叫聲徘徊在天台上，榮凱和洪迪有帝皇血還好，飛宏和kinglam跪在地上雙手掩耳支撐著，避免耳膜爆裂。


亡猿的叫聲幾乎傳到所有人耳邊，似乎要令在場的人知道…


這場最終一戰…






是時候…



要結束…