《亡命者》「選擇」「領袖」: 第三十五章 目的

距離畢業前兩日。

「啪！」兩把竹刀相撞的聲音

五人在山上混戰，用竹刀互相攻擊，鍛鍊反應力，反射神經和體能。

餘下二十五個專章之一，體能章，顧名思義以隊員鍛鍊體能為目的，達致有益身心的效果，餘下二十四個專章有機會再介紹。

一名後背有五爪金龍的男人遭受四人圍攻，但依然游刃有餘地指導四人。





『kinglam速度可以加快，飛宏用埋腰力，唔係靠手臂用力就得，榮sir反應再快少少，我已經放過二次可以攻擊你的機會，肥巫橫斬個陣扭腰，令威力更強，如果唔係…』

鄭家榮閃避用竹刀輕打四人，點到即止。

『敵人打的力度就唔會係咁輕力』

Kinglam喘氣説：『你係咪怪物呢嫁』

飛宏也喘氣説：『痴線…我地進攻都咁攰，你淨係防守加指導都可以唔喘氣』





榮Sir和肥巫輕聲喘氣，練習鄭家榮的指導。

鄭家榮輕聲喘氣，看著在旁的一行人，手接著樂兒給的水喝起來。

飛宏望天説：『過埋聽日就畢業喇』

喝完水的鄭家榮説：『唔好咩？個個入營前喊到呼天搶地，宜家又唔捨得』

眾人沒有説話，但這個卻是事實。





『諗清楚自己為左咩目的去畢業，迷茫的人，最容易戰敗』

毫不迷茫的人最難對付

鄭家榮伸出右手説：『我要保護我在乎的人！』

飛宏伸出右手説：『我要保護我可愛嘅女朋友！』

Kinglam伸出右手説：『我要溝曬所有單身女！』

眾人看著他………徹底無言………… 。

肥巫伸出右手説：『我要保護大家！』

Madam poon和榮sir伸出右手異口同聲説：『我要保護你班仔女唔好受傷！』





心姐伸出右手説：『我要保護我有型嘅男朋友！』

南南伸出右手説：『我要跟住心心！』

馬嬲和詩詩伸出右手説：『我地要令所有人信耶穌』

Candy和兔仔伸出右手説：『我地要跟住大家！』

眾人手搭手看著樂兒，等待她的答案。

樂兒臉紅伸出右手説：『我…我要做鄭家榮妻子！』

眾人向上舉高歡呼：『好！！』





兩位好兄弟馬上一左一右捉實鄭家榮。

飛宏感嘆說：『大個仔喇…做足安全措施啊』

Kinglam恥笑説：『做乜要人地女仔求婚啊』

鄭家榮平淡説：『我求左婚好耐喇』

眾人大嗌：『吓！！！！！！！！！』

飛宏和Kinglam的下巴快要跌在地上，樂兒臉紅得埋在家榮的胸懷裏。

Madam poon搖頭説：『我都三十歲先結婚喇，宜家佢地十八歲都未夠就話要結婚』

一眾女生想不到以前撲克臉的鄭家榮今天竟然這麽大膽去求婚，驚訝得想馬上問樂兒是怎樣被求婚，但看見這個閃光彈決定打消念頭。





飛宏搖頭説：『我咁快就要做新郎哥個兄弟』

Kinglam按頭説：『我都係…』

一眾女生們説：『我要做樂兒姊妹！』

眾人在山上嘻嘻哈哈度過一晚，也令兩人彼此的心更加肯定。
。
。
。
。
飯堂上，所有新兵都在吃早餐，除了一枱，他們仿佛通宵沒有睡覺，在旁的哥斯拉一看見馬上大嗌。

『嘩！搞咩呀你地？！』





額頭放在枱上的三兄弟把頭擰向哥斯拉，眼神充滿想睡覺的慾望，不只三兄弟，其餘十人也是同樣把額頭放在枱上，但他們連抬頭的意慾也沒有。

Kinglam有氣無力説：『未見過人挽通宵咩？』

在旁的Jason説：『見過，但係未見過挽到就死咁款囉』

飛宏說：『由我死啦………』

哥斯拉搖頭説：『你地咁樣陣間點上堂呀』

久違的鄭家榮終於抬起頭，認真地問哥斯拉：『上堂？』，皆因訓練了一個月都好像沒有上過堂。

哥斯拉托一托眼鏡，講解地説：『今朝一起身就有士兵話食完早餐就要去禮堂聽陳曉輝訓話同解釋一些我們未來要知道的東西，好似會派埋軍服準備畢業』

鄭家榮腦海中想起美國隊長身穿的那套軍服，上戰場前可以穿著英勇無比的軍服畢業，讓鄭家榮感到無比的興奮。

『人生可以着一次軍服真係死而無憾』

哥斯拉嘆氣説：『係你先咁興奮…』

Madam poon感嘆説：『可惜畢業個陣應該無軍樂隊演奏，如果唔係我地打下鼓都好』

Candy説：『NCO啦，佢地所有樂器都有章』

餘下二十四個專章之四：樂員章，軍號章，軍鼓章和風笛章，四個也是音樂範疇的專章。

我地稱為樂器組獎章，目的是令隊員對音樂產生興趣，透過學習樂器來陶冶性情。

鄭家榮四個章也擁有，但只是最基本的一級，皆因音樂是鄭家榮的最大死穴。

Kinglam大笑説：『鄭家榮你條契弟終於都有弱點』

馬嬲馬上説：『kinglam你唔可以咁講嫁！神會賜優點亦會有缺點，所以我地要幫助他人，重要…』

Kinglam馬上打斷她：『得得得，我錯，食早餐啦，大家都餓啦』

眾人都開始食早餐，那怕通宵完並沒有食慾。