《亡命者》「選擇」「領袖」: 第二十五章 傲氣
鄭家榮和葉健豪分開進行任務，各自檢查還有沒有綠魔並清除。
鄭家榮快速地檢查，此終學校的設計沒有可以完美躲藏的地方。
十分鐘後鄭家榮已經檢查完二樓以及地下，亦都拿回放在禮堂的散彈槍，而鄭家榮係飯堂坐低休息時，健豪都剛好從樓梯口出來，走過來坐低，拿出軍用對講機。
『等埋軍車嚟佔領學校，任務就正式結束』
『ok』
健豪用對講機報告學校的情况以及報告遇見第二代。
對講機傳出十分鐘內就會有軍車到達，而我突然醒起。
『你啱啱講嘅第二代係乜春嘢嚟？』
健豪放下對講機，一聲嘆氣。
『以你嘅實力，宜家知都唔過份』
健豪接着説：『有謠言話綠魔係人工製造，而被人工製造的第一隻綠魔宜家新政府稱為第一代綠魔，第二代綠魔就係由第一代親自感染』
健豪用手指著額頭説
『特徵非常明顯，就係額頭有感染的咬痕，而第三代同第四代就係你一直殺得好輕鬆個啲，佢哋無明顯特徵，唯一分别係第四代無感染能力，所以近身戰鬥都只可以靠運氣』
我聽完説：『原來係咁，但係如果第一代不斷量產第二代咪屈機？』
健豪説：『所以新政府主張要快速發展政府軍，對抗第一代綠魔』
鄭家榮無奈説：『所以朱達明先咁急推我地出嚟訓練』
健豪摸後腦説：『無計啦，可以訓練嘅都要訓練』
『綠魔有軍階姐，新政府啲軍階又咩料？』
健豪解釋：『宜家新政府的軍階分為八種』
戰皇級戰力
戰神級戰力
龍級戰力
狼級戰力
惡鬼級戰力
聖騎士級戰力
騎士級戰力
新兵級戰力
鄭家榮早已成為問題少年，不斷問問題。
『我就惡鬼級戰力姐，健豪哥你又係咩戰力？』
『我少尉對返好似係龍級戰力』
鄭家榮驚訝地説：『有無呀？我都惡鬼級戰力啦』
健豪苦笑説：『我只係暗殺同經驗比較高強，我嘅實力都已經到盡頭』
健豪收起苦笑，認真説：『但係你地班學生唔同，你地宜家擁有的潛能同極限係無窮無盡，尤其是係你，鄭家榮，我睇得出你天生有軍人的潛質，可惜你係香港長大，如果你係中國，我肯定你的軍階會高過我』
鄭家榮並沒有興奮自己可以擁有高過葉健豪的潛質，他閉上眼晴，陷入沉思的狀態，令發自內心讚賞的葉健豪有一點尷尬，前者依然閉上眼睛，只道出一句話。
可以的話，我希望可以一直做個廢柴學生
點解人類總係要自相殘殺，由古代諸神的黃昏去到今日新政府對付綠魔，無論人或神，都總係為左各自的利益而去尋找理由開戰。
我並不是沒有慾望，只是我想要的很簡單。
係一個無人打擾我地嘅地方生活下去，直到永遠。
但係如果有人事無忌大傷害我身邊在乎的人，那怕是強大的神。
我都會成為一個弒神者，拿起劍 殺神
健豪似乎意會到我只係個中學生，心理上未能接受，所以轉上話題以避免這個尷尬的氣氛。
『我地殺左一隻第二代，你返去可能有得升上狼級戰力』
鄭家榮睜開眼，避免負面情緒繼續影響自己。
『有無咁容易升呀』
健豪反白眼説：『我地啱啱兩個人就搞掂一間學校，收復失地比新政府用』
鄭家榮無奈説：『好似重容易過返學考試』
健豪説：『你咁講又錯唔曬嘅』
此時軍用對講機傳出一道男聲。
『軍車係後門，開門』
鄭家榮和健豪慢慢地走到後門，用鎖匙打開之前鄭家榮興奮地話要困獸鬥的鎖。
五架軍車駛進學校的籃球場，每架軍車至少有十數名軍人下車搬運物資，中間有一位軍人的氣勢跟其他軍人完全不同，如無意外這位軍人應該是隊長。
隊長身邊的軍人在他耳邊説了幾句，隊長不時投向不肖一顧的目光在二人身上，最後更向二人走來。
『我係許民強上尉，呢間學校已經由我接手以及管控，新政府個邊我會交待，你地可以返軍營繼續訓練，無問題就自己後門走』
眼前嘅一米八高，四肢發達，頭腦簡單嘅黑色大猩猩 兼大舊衰求其講兩句就想打發二人離開。
要不是健豪拉著鄭家榮，鄭家榮肯定早已一刀插落呢隻大猩猩後頸插到呢隻動物變植物猩。
雖然二人都心有不甘，但二人都無法做到甚麼，只能沉默坐上電單車返回軍營。
臨走前還聽到許民強的抱怨。
『搞錯呀，呢兩條廢柴搞到一地都係血！』
健豪馬上準備阻止鄭家榮用刀，但後者沒有任何憤怒的跡象，反而平靜得過份。
平靜到令人毛骨悚然
鄭家榮開車前打開電單車頭盔護鏡，對健豪説。
『我要升到咩軍階先可以指揮條木契？』
健豪思考了幾秒，説：『戰神級應該得』
鄭家榮聽後沒有害怕，轉身向許民強的方向大嗌。
『許民強你同我聽住！我一升到戰神級就挽到你飛起！囂張多陣啦廢柴！』
站在遠處的許民強和身邊的軍人聽見後都在大笑。
『你睇下個靚仔，哈哈哈，幾有大志』『哈哈哈，但係宜家你被人挽到飛起咋傻仔』許民強身邊的軍人説
鄭家榮説完轉身坐上電單車離開，健豪也接著離開。
鄭家榮現在的目標很簡單，快速提升實力成為戰神。
畢竟有人故意挑戰鄭家榮以至逼出鄭家榮的傲氣。
( Facebook粉絲專頁過一百讚，星期日多加一章 )