《亡命者》「選擇」「領袖」: 第二十章 昔日

『對唔住，我地以後唔敢啦』個六人對女生們鞠躬説

女生們雖然反感，但象徵式都點頭當原諒。

飛宏翹手説：『道完歉就同我去執嘢！』

六人連忙説：『知道飛宏哥！』

呢六個人跑去執返頭先破壞的地方，而心姐都跑出嚟抱住飛宏。





『BB你好型呀』

飛宏得戚地説：『哈哈，當然啦』

『你個撚屌我唔叫你你重係到食緊飯咋』我心諗

我轉身返去睇一睇鄭家榮，佢依然站在耳環男的前方，凝視著在地上受傷的耳環男。

我右手搭著鄭家榮的膊頭，嘗試令佢冷靜。





『家榮哥，去睇下樂兒啦』

佢不斷深呼吸，冷靜自己的情緒。

『ok，我去睇下佢』

鄭家榮説完就轉身打算離去。

『哈哈哈哈，無膽匪類』





説話的不是誰，而是在地上的耳環男。

鄭家榮停在原地，沒有轉身亦無離開。

『你唔打多兩下，唔驚我咬你呀』耳環男蒙糊地説

『我被你咬到對唔住烈祖烈宗啦』

耳環男聽後不斷大笑。

『哈哈哈哈哈，我有話咬你咩？，我要咬你身邊的女仔，咬到佢地個個為我尖………呀！！！！！』

耳環男還未説完就被鄭家榮轉身一個衝力射球踢中口部，耳環男再次掩口發出不知明怪聲。

今次我無出聲，默默認同鄭家榮的做法，不過軍靴踢口部的痛苦我真係無法想像。





有唔少軍人都見情況唔對路，開始想阻止我們。

『停手 ! 』

但鄭家榮不斷用右腳繼續踢耳環男的口，誓要把耳環男的牙踢出來。

『呀！…呀！…呀！…』

耳環男已不能開口說話， 但鄭家榮依然繼續大力踢耳環男的面，彷彿要把他踢到不能再說話 。

站在旁邊的軒少不敢去阻止他，害怕自己的下場跟耳環男一樣，我見情況唔對路， 上前用雙手翹著鄭家榮拉開他嘗試令他冷靜 。

但鄭家榮依然繼續用腳踢下去，身穿軍靴的他用力不斷踩落地下發出咯咯的聲音。





耳環男早已害怕到不斷退後同時掩口，而鄭家榮掙扎想繼續踢的時候。

『停手！！！』有兩道聲音同時説

一個係陳曉輝，而一個是Madam poon。

Madam poon説：『冷靜啲，家榮』

鄭家榮停下來深呼吸，而陳曉輝看一看周圍的環境。

『睇黎你地都食完飯嫁喇，重有閒情逸致係到做飯後運動』

『三十分鐘內，同我還原返平時個飯堂，然後去禮堂排椅坐低等我，有無問題？！』

『No Sir！！！』





陳曉輝説完轉身離開，不帶走一片雲彩。

在場所有新兵都要執野，重要搬新枱新椅返嚟，少量新兵埋怨。

『搞錯呀，訓練完想食個飯姐，宜家都要搬』『咪就係』『點解我地要搬呀』

我印象中呢班契弟係頭先嗌得最大聲叫鄭家榮打得大力啲個幾個。

但係無人理佢地，應該話無人有興趣理佢地，都明白到一淡砂糖一淡屎嘅道理。

食完花生唔係唔執返花生殼呀？。
。
。
。




。
一位軍人敬禮説：『教官，班新兵已經執好飯堂，宜家過緊嚟』

坐在禮堂台上後方的我回答：『嗯，佢哋坐齊係到你再入嚟同我講』

軍人説：『Yes sir』

我抬頭看著天花，內心排練一陣要講的東西，以及讓自己有心理準備。

但腦海中總是出現一些過去的畫面。

『你條廢柴叫咩名呀？！』

『同我盡全力去做！』

『你嘅能力比你想像中永遠更加強』

『變強啦！！！………張河』

我回想起過去，回想起昔日的訓練。

『鄭家榮……你同張河真係好似』

兩個人都好似，唔中意傷害女仔，為左保護自己想保護嘅人不息努力變強，兩個天生都係軍人命。

上一次遇到張河呢個得意門生係幾時呢？計一計都八年，宜家張河都二十五歲，當年都係十七歲就開始訓練。

我靠牆而坐，靜靜地等待同思考新政府下達的命令。