[人性] [感情事]我不會講你知，其實是第幾次: 結局篇) 八

鏡頭轉移左去半年前，某餐廳內。 

"點解你要同我分手呀？ 
我唔明白呀！我一直都對你好好呀！"男仔好激動。 

"軒，我逼不得已架其實。 
我放唔低佢呀。 
我以為佢同佢女朋友分左手之後，會繼續見異思遷啦。 
點解佢要懶係對佢女朋友情深咁！ 
點解佢當初唔係一樣咁長情呀？ 


我唔要見到佢幸福呀！ 
你可唔可以幫我一件事呀？ 
如果你幫到我，我就可以放低佢。 
咁我就可以同番你一齊架喇。" 

"我可以點樣幫你呀咁？我做到既一定會去做。"　軒仔為左呢個女仔，佢願意去做任何事。 

"放心，你一定做到。" 
********************************************************** 
一星期後，某間酒吧。 



"Hello小姐，你自己一個飲悶酒？"　軒仔問眼前呢位小姐。 

女仔抬起頭，望見眼前呢位靚仔。 
既然係靚仔，女仔唔介意同佢傾多兩句。 
"係呀，一個人。" 

傾多兩句，佢發現呢個男人除左靚仔， 
仲好識氹女仔。 



"一晚姐。反正我係單身。冇所謂啦。 
Hugo都可以同人上床啦，點解我唔得？"女仔心諗。 
******************************************************** 
又一個星期。 

自從女仔派左軒仔去氹左個個佢好憎既女仔上床之後。 
佢知道係時候散播呢個消息。 

於是，佢冒充個個佢好憎既女仔， 
開左一個skype account，再send message俾佢前男友。 

"Hugo，我知道左你近況。 
你唔洗咁樣架。 
緣淺就係緣淺，改變唔到。 
但唔該你做番個男人， 


唔好日日係到喊苦喊忽。 
咁樣，我只會睇你唔起。 
更加覺得你襯我唔起。 
你唔洗搵我，你知我唔會俾你搵到。 
我地到此為止啦。"