[人性] [感情事]我不會講你知，其實是第幾次: 結局篇) 一

"哈，你唔係好憎我架咩其實？"我問Stella。 

"憎呀嬲死你呀！都唔明你地班男人個個都唔識珍惜架。 
不過我最憎你點解咁易就放棄唔追番我？" 

女人真係無撚敵。 
你叫我唔好煩你，原來又嬲我唔追你。 
女人心海底針。 

"講呢D？我地分開之後你好多姿多采喎..." 



"可惜冇人個男人識珍惜呢... 
個個都係賤人黎。 
我咁努力去學做一個好女朋友， 
但原來做好女人都冇用既。" 

"軒仔呢？佢應該好仔架？" 

"好多野你地唔知道姐。我都唔想再提。" 



"哈哈，我一直以為我都已經夠衰，原來大把人都係咁。"　我自嘲一下。 

"你去死啦！你係最衰個個呀！" 

"咁你又同我做番朋友？" 

"感覺既野，邊有得解釋。就正如你個Ada好好咩？ 
你咪一樣咁中意佢。" 

坦白講，自從我再遇番Stella， 


加上係英國成日同佢傾計， 
我覺得Stella都改變左唔少。 
唯一一樣冇變既，我覺得佢應該仲係中意我。 
因為佢有意無意都會暗示下。 
你估我冇諗過同番佢一齊咩？ 
我揀佢即係放棄Ada... 
你叫我點揀... 

"如果你個Ada唔揀番你，你會唔會追番我？"　我分唔到Stella係唔係認真咁問我。 

"我邊到襯得你起呀姐姐？你唔怕我再傷害你咩？" 
唔好再逼我埋牆角啦.... 

"哼，咁又係！你想追我我都唔受啦！"