[人性] [感情事]我不會講你知，其實是第幾次: 回家　最好不過 (2)

"本航班即將降落香港國際機場，再次多謝閣下乘搭國泰航空。" 

我衝出接機大堂，居然見到一個熟悉既身影！ 
Ada！咪住，Stella都係到！ 
我估唔到Ada會黎接我！ 
佢地見到我就好興奮咁衝埋黎攬住我。 

"你終於番黎喇！我地結婚喇。" Ada同我講。 

結婚？你講真架？ 



"唔係呀你要同我結婚呀！" Stella拉扯住我。 

下？Stella都想同我結婚？ 

我張開眼，眼前既仲播緊我頭先睇緊既inception。 
原來只係一場夢。 

終於番到香港喇，百感交雜。 
一年前，我為左Ada一年既承諾而遠走英國。 


一年後，卻已人面全非。 
一年之期已過，唔知我會唔會搵到Ada呢？ 
我一落機，立刻打俾Ada。 

"嘟嘟....嘟嘟..." 
通喇通喇！ 

"喂？Hugo？你終於打黎喇咩？" 

"Dada？咩叫我終於打黎呀？"我心情激動不已。 



"過左一年之期我就開番電話等你打黎啦衰人。" 

"我岩岩落機咋。今日會唔會有機會見到你？" 

"番黎就好！今晚你好好休息啦。 
聽日約你食飯？"　好呀好呀！ 

我心中唔明白，點解Ada對我既態度唔同哂。 
明明早排佢先話到此為止。 
不過佢肯聽我電話，肯同我見面， 
我就已經心滿意足喇。 

辦好哂入境手續，熟悉既說話， 
熟悉既文字，熟悉既環境，熟悉既人。 


終於呈現係我眼前。 
樂仔見到我，就攬住我唔放！ 

"喂喂喂，你中途轉基呀？攬咁實做咩？"我笑住講。 

"Stella過黎，俾哥哥攬下，睇下有冇瘦到先！"我轉向Stella。 

"去死啦死變態佬！"雖然Stella把口咁講，但係佢都係緊緊咁攬實我。