[人性] [感情事]我不會講你知，其實是第幾次: 如何回到當時

"你認真？你係邊到聽番黎架？" 我嘗試保持冷靜。 

"我都係聽樂仔講架咋，我厄你做咩姐。 
我仲以為你飲到咁醉係因為知道左..." 

本身我都想問下Stella之前樂仔提過佢同第二個男仔一齊既事， 
但係我而家冇哂心機，講多兩句就收左線。 

"樂仔，你係咪有d野未同我講呢？" 



"....你知道左？我都知唔瞞得你幾耐。 
兄弟，我唔想你唔開心， 
想你俾心機讀埋書番黎先再算， 
所以冇同你講。" 

"咁你點解知道佢拍拖？" 

"我同Candy有日去溜冰， 
我見到佢拖住第二個係隔離既餐廳走出黎。" 



溜冰場？點解要揀呢個地方呀.... 
唉，最唔想發生既事都係發生左。 
我有少少後悔點解唔襯放假番香港去氹下佢呢？ 
話唔定有得救呢？ 

雖然我一早已經作左最壞打算， 
Ada未必會同番我一齊。 
但係我勢估唔到，Ada會咁快同第二個一齊囉... 
明明佢好愛我架，點解會變心架... 
佢唔係d咁既人黎架... 


說好的結婚生bb擁有我地既家呢？ 
但我知道唔可以怪Ada。 
一切都係源於我自己衰格... 

我攬住枕頭痛哭。 

如何回到當時　猶如情侶熱戀的那時 
分開簡單抺去往事極難　幾多溫馨燭光晚餐 
後來　我總算學會了如何去愛　可是你早已遠去　消失在人海 
可惜不是你　陪我到最後 
突然好想你　你會在那裡 
給我一個理由忘記　那麼愛我的你 
怎麼了　你累了　說好的幸福呢