[人性] [感情事]我不會講你知，其實是第幾次: 接通

諗到呢到，我就非常失落。 
雖然明知搵唔到Ada，但係我都決定打俾佢。 
聽下佢留言信箱把聲都好丫。 

"嘟嘟...嘟嘟..." 
通左？！竟然？！ 
我個心跳得好快。 
半年黎第一次打通Ada既電話，你叫我點樣可以唔興奮？ 

"喂？" 久違既聲音。 


由於我用skype既電話plan打去，所以Ada應該唔知我係邊個。 

"Dada？Hugo呀。終於打到俾你喇。" 

"哎呀！唔記得熄機俾你搵到我！ 
算啦，只此一次。 
我幾好咁啦，上兩個月開始番工喇。" 
我哭笑不得，居然要等佢唔記得熄機我先搵到佢，真悲哀。 

"唔好咁殘忍啦，俾我打下俾你啦。 


番咩工呀？"我哀求佢。 

"我講過一年就係一年。 
marketing呀，好忙呀做野，成日要去唔同function。"　Ada好決絕。 

"咁都幾好丫！俾心機呀你！ 
我岩岩去左旅行呀..." 

我分享左好多我係呢邊既生活俾Ada聽。 
我亦盡量有咁耐講咁耐，因為我好怕收左線之後就再搵佢唔到。 


當然，我都會把握機會問佢啦！ 

"係呢，你係咪拍緊拖喇？我聽講有人追你喎。" 

"嘟......." 
仆街！點解收左線架！ 
根據skype既公平使用條款，原來我已經用左今日上限既分鐘。 

.........呢舖真係灰過石灰。