[人性] [感情事]我不會講你知，其實是第幾次: 如果只得一星期

由於上堂既日子只係淨係大概兩個星期， 
接住黎係考試， 
如果我係呢段時間都見唔到Ada既話， 
我諗，我呢世都未必見到佢。 

如是者，我每日準時如常番學。 
放假就去屋企樓下等佢。 
但係，Ada就好似人間消失左咁。 

直到番學既最後一個星期。 


我終於係學校見到佢。 
我見到佢既時候， 
就好似一隻俾人絕左育既狗公，突然乜都俾番哂佢咁興奮。 

"Dada！Dada！"我唔理其他人既目光，衝埋去Ada到。 

Ada一臉冷漠，好似同我完全唔認識咁。 

"Dada，你去左邊呀呢個星期？" 



"先生，我去左邊都唔關你事架可？" 

"俾多次機會我啦好嗎？" 

"我地已經冇可能。" 

"咁，做番朋友可唔可以？" 

"睇下點啦。" 



Ada揀左個位置坐低，當然我厚住面皮坐係佢身邊啦。 
我一直係咁撩佢講野，講下我地以前幾開心呀， 
有咩電影就黎上映，不過佢都係一句起兩句止。 

真諷刺，以前我就嫌Ada煩。 
而家就到我煩住佢，風水輪流轉。 
淨低上堂既時間只有一星期...