[人性] [感情事]我不會講你知，其實是第幾次: 東窗事發

我唔知點解Ada會知道琪琪既呢件事。 
我亦冇打算深究。 
當前既問題係點樣同Ada解釋。 
佢咁樣問得我，即係佢已經知道左當日既事。 
而家佢俾個機會我，即係要我講真話。 
亦代表住我冇得揀。 

"Dada，對唔住。我個晚同佢發生左關係。 
我知係我唔岩，你可以原諒我一次嗎？ 
我個日之後冇再同佢聯絡喇。" 



我拉住Ada隻手，我怕佢一走了之。 
Ada聽到我真口承認，雙行眼淚已經流左出黎。 

"Hugo，點解你要咁對我？" 
Ada擺脫左我既手，向住廣東道方向跑去。 
我呆左企係到，直至我見到Ada跑到轉角位， 
就黎消失係我眼前， 
我先識去追番佢。 



"唔可以就咁分手架！" 
我好似跑緊100米賽跑咁，向住Ada跑去。 
跑到地鐵站，我終於追到Ada。 

"唔好走呀Dada！"我一手拉住佢。 

"你放手呀衰人！我以後唔要再見到你呀！" Ada努力掙扎。 
不過我點會放走佢第二次。 

"你聽我解釋好嗎？"我墾求Ada。 



"仲有咩好解釋姐？係唔係我對你好你就要咁對我？ 
點解男人一個二個都係衰人？"Ada已經喊到口齒不清。 

"對唔住，唔好離開我好嗎？ 
我唔可以冇左你？"　我都雙眼通紅。 

"你同佢做個陣你有冇諗過今日呀？ 
你有冇諗過我感受呀？ 
你仲賤過我前度呀！"　之後，Ada就一巴打落我塊面。 

呢個時候，圍觀既人愈黎愈多。