[人性] [感情事]我不會講你知，其實是第幾次: 雙面人

到左第二日。 
Stella真係答我今晚一齊食飯。 
我有少少緊張，畢竟好耐冇試過同佢單獨相處。 
同時我都考慮緊話唔話俾Ada知。 
不過醜婦終須見家翁。 

"Hugo，今晚放學一齊食飯丫。 
我想食壽司呀。"　Ada落堂之後問我。 

"今晚我唔得呀，我約左人食飯呀。" 



"約左邊個呀？" 

"Stella呀。不過你唔中意我可以唔去呀。"　我支吾以對。 

"你地幾時聯絡番架？你幾時約佢架？"　Ada睇落好似好緊張。 

"今日先約番之嘛，都係大家朋友食餐飯。" 

"好啦你去啦。你都約左啦。" 我覺得Ada有少少失望。 


不過佢就係咁樣，有事都會收埋自己吞左佢。 

"乖啦放心，我地冇野架。" 係咪有少少欲蓋彌彰呢？ 

不過Ada都係話佢冇野。 

到左夜晚，我終於見到Stella。 
久違左既感覺。 
我地揀左一間西餐廳食野。 
我地寒暄左一陣，我就殺入大直路。 



"點呀？我見Darren都幾好架之前？ 
因咩事會分手架？" 

"嗯，都係既。 
佢一直對我都好好，照顧得我無微不至。 
一開頭，我都唔係真係好中意佢。 
只不過覺得佢好好，所以就同佢一齊試下。 
久而久之我就真係安心交自己俾佢。" 

"跟住呢？"　我見佢冇繼續講，所以就心急追問。 

"跟住有一日，我上左佢到。 
佢去左沖涼，我好奇就拎左佢電話禁下囉。 
點知我發現左佢搵女人... 


d對話仲好核突...睇睇下我就知道個個係援交妹。 
我完全係晴天霹靂，我真係覺得佢好污糟。 
當然我都對佢仲存有少少既希望， 
只係希望呢d係誤會。 
後黎我仲發現佢約哂時間地點，於是我就打算跟佢去睇下..."