[人性] [感情事]我不會講你知，其實是第幾次: Stella既消息

"喂，拍硬檔，幫我八卦下佢地發生咩事啦。"　我合十向樂仔請求。 

"我可以試下問Candy既。唔擔保問到乜野呀！"　 

"冇問題！呢餐我請啦！"　靠你喇樂仔！ 

雖然我唔期望樂仔問到乜野，但佢的確係我唯一知道Stella消息既來源。 
不過，到左夜晚，我就收到樂仔電話。 

"喇！我都算好兄弟啦！ 


為左你我請左Candy去食大餐呀。 
我借D意問佢先肯講左少少俾我聽咋。 
原來個個Darren表面正經，但係其實佢同時間flirt緊好多女。 
最近就係有一次俾Stella斷正，所以佢地就分左手。 
我淨係八到咁多咋。" 
樂仔一口氣講哂佢知既野俾我聽。 

"喂，唔該你呀！下次食飯我既！" 

之前家姐都話過覺得佢唔係好人，女人既直覺真係準。 


不過我又可以做d乜野？安慰佢？ 
佢連理唔理我都成問題啦。 
唔理喇，試下搵佢啦。 
原來我一直都冇Stella新既電話， 
我問左樂仔拎左Stella既電話， 
send左個whatsapp俾佢。 

"Stella，最近點呀？" 
我諗住佢會記得我電話號碼，我都冇特別mention自己係邊個。 



"who are you?" 
佢係咪專登架！有咩可能唔記得我電話？