[人性] [感情事]我不會講你知,其實是第幾次: 同Ada和好
解決左Rose事件後,係時候搵番Ada。
事實上,呢段時間以黎,我係完全忽略左Ada既感受。
連Ada想去南丫島我都左推右推。
真係要諗諗點樣補償同氹番佢。
我打俾Ada。
"Dada!做緊咩呀?有冇掛住我呢?
![](http://forum11.hkgolden.com/faces/kiss.gif)
"做咩要掛住你呢d衰人?" Ada聽落好冷淡。
"唔好嬲啦!我知我呢排衰仔陪唔到你!
我應承你,我以後都唔會唔理你架喇!" 我主動哂冧。
"應承?你都應承左我陪我去唔同地方架。
結果呢?你做唔到唔緊要,但係你唔好應承我。
仲有,你去搵Rose咪得囉,你唔洗理我架。"
Ada呷哂醋咁講。
"Dada呀我知今次係我唔岩。
我真係講得出做得到!
聽日就同你去南丫島好冇?
我以後都唔會搵個個女人架喇。" 有死冇死,繼續死狗就岩架喇。
"哼,九成係人地唔要你,你就番黎搵我啦。
你當我係咩呀?"
嘩!咩人地唔要我呀!真係丫!
不過我把口緊係唔會咁講啦!
"唔係唔係。由始至終你都係我最好既Dada!
你就原諒我一次啦靚女!" 我加多兩錢肉緊。
"咩你既Dada?我唔係你架衰人。
我原唔原諒你就睇你聽日服侍得我周唔周到啦!"
攪掂!Ada真係易氹。
"係既大人。小人一定唔會令你失望。"
當然,要氹番Ada唔係太難。
不過我係真心同佢道歉,
所以都要有少少準備。