[人性] [感情事]我不會講你知，其實是第幾次: 解脫

"去邊到呀我地？" Ada問我。 

"今晚你咪知囉！記得著得輕便少少。 
喇！而家番去沖個涼先。 
沖完涼再見！" 我懶係神秘。 

"好啦，今晚見！" 

或者有d人，我地用一輩子時間都唔可以忘記。 
但我地可以其他人同事去取代。 


下午四點，我約左Ada準備出發。 

"點呀點呀，我地去邊呀？" Ada心情始乎好番少少。 

"做咩咁緊張呀你？同你去玩囉好冇？" 

"嗯！" 

我地好快，就到左下白泥。 
我同Stella定情既地方。 


其實再次番黎呢個地方， 
真係有少少感觸。 

當初我係為左激琪琪， 
所以帶左Stella去睇日落。 
而就係因為帶左佢去睇日落， 
我地先至成為情侶。 
而最後，就係我地一齊左， 
我傷害左Stella。 
所以，下白泥係我回憶中一個非常重要既地方。 



"點解帶我黎呢到呀？" 佢唔係好明白。 

"同你睇日落囉！好靚架！"我指住遠處既咸蛋黃。 

"嗯，真係好靚。 
多謝你，我知道你氹我開心所以帶我黎。"　Ada睇落好感動。 

"唔止係咁架。 
呢到，係我同Stella定情既地方。 
呢到對我黎講，有住唔可以忘記既回憶。 
但係如果我要忘記Stella，我一定要有人去取代佢。 
就正如你要忘記你個ex，你都一樣要有人取代佢既位置。"