[人性] [感情事]我不會講你知,其實是第幾次: 暑假 (2)
不過以我呢個天才學野既能力,
我好快就掌握到要訣,唔洗再扶住欄杆。
唔知點解我唔係好捨得放開拖住Ada隻手。
咁我就扮下學得慢啦。
當然,Ada好有耐性咁教我。
我偶爾都會偷偷地望下佢。
一個唔留神,我又仆左係到。
今次我仲拖埋Ada落水。
兩個一齊坐左係地下傻笑。
好快就已經玩完。
我地換番鞋,就去係又一城食個靚飯。
"喂,其實放暑假,你唔洗番下工架咩?" Ada問我。
"要呀,諗住玩下先之嘛。
我搵緊工架喇。你呢你唔洗番咩?"我老實作答。
"我都係搵緊呀。有冇咩介紹先?"
"我會搵office既part time。張cv都靚d嘛。
不過你知唔係咁易架啦。"
"咁又係。咦,你唔係應承左去ocamp做組爸咩?"Ada問我。
"係呀,我應承左呀。到時請幾日假囉。最衰你唔去啦!"
"哼!你擺明去溝女啦!我去黎做咩姐!"Ada扮嬲咁講。
"點呀?一齊溝囉!" 我個樣同個公仔一樣
![](http://forum11.hkgolden.com/faces/hehe.gif)
"你去死啦!我唔似得你呀濫交佬。"
"咩話?邊個濫話?當初邊個飲完野..."我故意提起當日既事。
"你夠膽就講落去!"我都未講完,佢就隔住張二人台係咁打我。
突然,佢停哂手腳,目光注視住餐廳門口。
我向門口望去,見到有個男人行緊入黎。