[人性] [感情事]我不會講你知，其實是第幾次: ocamp

自從Ada同我講左佢同佢男朋友既野之後， 
我地就愈來愈黎好傾。 
不過我地都冇乜野，真係單純係好好朋友。 

而老媽子一直都冇提過個件事， 
咁樣就令我仲緊張，究竟佢睇唔睇到呢？ 

呢排我主要都係同Ada，樂仔同火車姐姐傾計。 
除左我偶爾覺得火車姐姐心情好似有少少飄忽之外。 
一切如常。 



家姐方面，雖然我拎左家姐電話，但係我短時間都唔會搵佢住既。 
我都冇野可以做到。 
同埋如果Stella有咩事，我相信家姐都會話我知。 

時間過得好快，我同Ada已經玩完一個ocamp。 
淨低既就得番學院會個個。 
當日天氣好好，我都做足準備。 

我興奮既原因，除左真係去玩之外， 


仲可以見到家姐。 
可以同佢八掛下Stella既近況。 
我約左Ada一齊食個早餐先再番學校。 

一連三日既活動，基本上都大同小異。 
不過由於去左一個ocamp，今次我都投入左好多。 
其中一晚，我專登去左搵家姐。 

"家姐，最近你點呀？" 我當然冇單刀直入。 



"你問我？你想知Stella點咋掛？"　頂，篤穿左我。 

"唔好咁講，我都好關心你架家姐！" 

"得喇！佢呢排都冇乜野，不過個人開朗番好多。" 

"嗯，咁就好喇。"我都唔知聽到佢咁講，我應唔應該開心。 

至於其餘時間，一有私人時間我就去搵Ada吹水。