[人性] [感情事]我不會講你知，其實是第幾次: Stella 家姐

我都幾驚訝，呢個假Stella 居然問我係咪識Stella ？ 

"你係...?" 我突然諗到喇。 
一個外表打扮衣著都咁似Stella既人，唯一可能就係... 

"我係佢家姐。" 家姐答我。 

"我都估到喇。你同佢咁似樣。但係家姐你點認得我？" 

"Stella有一次好開心咁番到黎同我講，話佢男朋友為佢準備左好多野佢好感動。 


我睇過佢同你既合照，所以依稀對你有少少印象。" 

我諗家姐講緊既係黃金海岸既一次。 
我為Stella做既，就僅此一次而矣。 
忽然又覺得好心酸... 

"Stella佢好嗎？" 

"嗯，我冇估錯，你地真係分左手。 
佢幾好咁啦，不過變得靜左好多，唔似以前咁活潑。 


而家有個男仔對佢幾好咁啦。" 

"嗯，佢過得好就好。" 

我地對視無言，空氣中有種尷尬既味道。 
我留意到周圍有好多其他新生議論紛紛， 
可能係以為我地因為頭先既示愛而撻著。 
我無視佢地。 

"家姐，我想，我想問你拎電話。 


我而家已經冇方法知道Stella 既情況。" 

"嗯，其實我搵你係有野想同你講。 
我唔係好中意佢男朋友。 
雖然佢表面好正直，對佢好好，但我硬係覺得佢唔係一個好人。 
如果有機會，你多D同佢傾下計，培養番下感情啦。 
雖然，我知道你傷害左我細妹，我實在係唔應該搵你。 
但係我直覺覺得佢仲未放低你。" 

咁就解釋左點解頭先家姐會對我有一絲不屑。 
仲有，我得到左一個最重要既信息。 
Darren唔係一個好人？