[人性] [感情事]我不會講你知，其實是第幾次: 表白

"其實自從我中一識左你，我已經認定左你係我女神。 
當然，你咁好條件，我只係一個普通男仔，我實在係唔敢靠近你。 
到左你同左現任呢個男仔一齊，我都係真心祝你幸福快樂。 
我以為我睇住你開心就可以，覺得自己慢慢可以忘記你。 
但係直至最近幾個月，我知道你一直都唔係咁開心。 
我居然仲係覺得好在意。" 

Stella冇出聲，靜靜咁等緊Darren講埋佢。 

"或者，我係呢個時候講d咁既野實在係唔太君子。 


但係我真係接受唔到佢令到你受傷。 
Stella，不如我地試下一齊？ 
我會努力保護你，照顧你，令你做呢個世上最幸福既女人。" 

Stella冇諗過呢個識左咁多年既朋友，居然中意左佢咁多年。 
而家仲要同佢表白？ 
坦白講，佢對Darren其實只有好感，講唔上係中意。 
而且佢心目中有既係Hugo。 

如果Darren 呢番說話，係佢地冷戰之前講， 


Stella一定會毫不猶疑咁拒絕。 
但係，呢一刻，見到一個默默對自己好既人， 
彷彿佢係Darren身上見到自己既影子。 

"Darren，我..好多謝你對我好。 
但係，我都只係岩岩離開左佢。 
我實在冇心情咁快再諗新既關係。" 

Stella嘗試講得婉轉一d。 



"我明白架。你可以當我係一個好好既朋友， 
你可以當我試用期，我只係想係你身邊照顧你。 
假如有一日，你想番去佢既身邊。 
我都會依舊祝福你。" Darren非常誠懇。 

Stella見到呢個男仔，心中實在有莫名其妙既悽涼感。 
點解呢個世界係咁唔公平？ 
默默付出既一方，永遠都係受害者？ 

"Darren，你俾少少時間我考慮下好嗎？" 

"冇問題！" 

番上樓之後，Stella反覆思考Darren講既說話。 
呢一刻佢未完全打算接受佢。 


但係佢既誠意的確令到Stella心軟。 

由於冇左個電話，Stella問左家姐借佢手提。 
"9434...." Stella係收件人一欄，輸入呢個佢相當熟悉既電話。 

"Hugo，我知道你想搵我。 
我諗得非常清楚，我地不如分開一下啦。 
..............................." 

命運既輪盤，正在重覆運轉。