[人性] [感情事]我不會講你知，其實是第幾次: 下學期

下學期好快就開學。 
呢半年以黎，我都有同琪琪KEEP住聯絡。 

"Hugo呀！激死我喇，上次我咪問你借本台北人既？"我早兩個星期借左本書俾琪琪。 

"係呀，做咩事呀？" 

"Philips囉。係咁俾說話我聽。話我做咩要問你借。我話我問人借本書都唔得？ 
佢又窒我，係囉個個都唔借係要問你借既？" 琪琪同我埋怨。 



我諗起都覺得好笑。 
Philips係琪琪男朋友。而家，佢居然吃我既醋？哈哈。有趣有趣。 

"咁你點同佢解釋呀？雙嗌唔好口呀。" 

"我咪話我問呀哥借本書都唔得？下次唔借囉買囉。點知佢仲要話係喇知我有個呀哥好巴閉喇。 
我真係頂佢個肺。" 
係，我地個時一直以兄妹相稱。 

我不停安慰琪琪，但心入面不知幾爽。 


無他既，有個女仔為左你同佢既男朋友嗌交喎。 
夫復何求。 

呢半年，每日除左依舊會見到火車姐姐外，我都冇乜改變。 
只不過，諗諗下原來自己都好耐冇拍拖，有時真係會幾寂寞既。 
直到有一日。 
我同樂仔放學之後，路過一個商場，諗住搭巴士番屋企。 

"唔好意思丫。"突然有人截住我。 



"可唔可以俾你電話我？"有人問我。