[人性] [感情事]我不會講你知，其實是第幾次: 呀健與Bobo

時間追溯番去Hugo同Bobo發生關係之後。 

其實我一直都覺得Bobo好正，又高又靚！對腳真係冇得頂！可惜咁快俾Hugo霸左。 

"唉..."我見到Bobo改左Status，我就知道機會黎喇。 

喔噢！"Bobo姐，做咩唉呀？Hugo激親你呀？" 我問Bobo。 

"唔係呀，好煩姐呢排。" 



"講黎聽下？我係一個好好既聆聽者黎架喎！" 

"我遲左幾日黎姐..." 仆街仔咁快食左人？ 

咦，咪住，呢個係好好既機會喎。 

"嘩你地咁鬼馬！Hugo個死仔咁不負責任架！ 
你住邊頭？轉頭落一落黎，我俾少少野你。" 

要攻陷一個女人既心，只要令佢心目中不自覺咁比較就得喇。 



"下？俾咩我呀？我住XX苑囉..." 

"得，十分鐘後見。" 

我見Bobo咁擔心，我知道佢心入面一定有埋怨Hugo。 
呢個時候，係我表現自己既機會。 
我跑左去屈人寺到買驗孕棒。 

"拿，俾你架。你快D驗左先啦！呢D野唔拖得。" 



我見到Bobo眼發淚光，我知道第一步我已經成功左。 

"你傻架咩？你唔怕醜咩男人老狗買呢D?同埋你又唔係我邊個..." 

"傻啦，最緊要你冇事。我既尊嚴值幾錢姐。好啦快D番去驗啦！驗完話我知。" 我講完就走左，唔洗刻意講太多。 

番上樓，已經收到Bobo既MESSAGE。 

"呀健我冇事呀！！！" 

"咁咪好囉！不過你唔好同Hugo講你驗左喎！嚇下佢個死仔都好。" 

我而家要做既，係等一個機會。