[人性] [感情事]我不會講你知，其實是第幾次: Bobo與呀健

時間追溯番去Hugo同Bobo發生關係之後。 

"唉..."我改左我既ICQ Status。自從我知道Hugo同我咩既時候個套穿左，我真係冇一日訓得好。 

喔噢！"Bobo姐，做咩唉呀？Hugo激親你呀？" 傳黎信息既一方，係呀健。 

"唔係呀，好煩姐呢排。" 我冇乜心機應呀健。 

"講黎聽下？我係一個好好既聆聽者黎架喎！" 呀健誘導我講。 



呢排我真係好擔心，我又唔敢同Hugo講，我驚佢覺得我煩呀。 
我問佢有冇事，佢又淨係話冇事。 
我已經遲左黎喇... 

"我遲左幾日黎姐..." 反正佢係Hugo兄弟，講佢知應該唔怕掛。 

"嘩你地咁鬼馬！Hugo個死仔咁不負責任架！ 
你住邊頭？轉頭落一落黎，我俾少少野你。" 

"下？俾咩我呀？我住XX苑囉..." 佢想做咩呀？ 



"得，十分鐘後見。" 

我換好衫，就落街睇下呀健究竟想俾咩我。 

"拿，俾你架。你快D驗左先啦！呢D野唔拖得。" 呀健居然跑左去買驗孕棒。 
為左我，佢一個大男人就即刻去買。Hugo個衰人，一D實際行動都冇！ 

"你傻架咩？你唔怕醜咩男人老狗買呢D?同埋你又唔係我邊個..." 



"傻啦，最緊要你冇事。我既尊嚴值幾錢姐。好啦快D番去驗啦！驗完話我知。" 呀健講完就走左。 

呢個男人，都幾有責任感。 

"呀健我冇事呀！！！" 我欣喜若狂. 

"咁咪好囉！不過你唔好同Hugo講你驗左喎！嚇下佢個死仔都好。" 

都好！哼！我都驚左咁耐，係時候到佢驚下。 

呢一個星期，我同呀健傾左好多野。 
我發現呀健份人除左有責任感，仲好幽默！成日哄到我笑唔停。 
可惜我同左Hugo一齊...如果唔係佢應該係一個幾好既男朋友...