[人性] [感情事]我不會講你知，其實是第幾次: 主動既琪琪

"難得喎你主動搵我。咩事呀琪琪？" 我用光速覆佢。 

"有個男仔好煩，成日煩住我，我唔知點做好。" 

"嘩！咁受歡迎架咩你？講多D黎聽下？" 

"佢成日黎我課室搵我，D同學又係到起哄。但係我唔中意咁樣。" 

"你中唔中意佢先？" 我試探下佢。 



"唔中意呀，淨係覺得佢好煩。但我又唔識拒絕佢。" 

"咁呀，男仔角度都係覺得係應該直接同佢講。 
你唔拒絕佢，佢可能會覺得你俾緊機會佢。" 

呢一晚，係我同琪琪傾得最耐既一晚。 

同時間，我居然唔知有人追緊佢！ 
太失策喇！為左方便收集情報，我決定係佢身邊既人入手。 
呢個咁緊要既時候，緊係要搵樂仔出手啦 



"喂樂仔，有野搵你幫手呀。" 

"點呀又係琪琪呀？你唔係已經識左人喇咩？" 

"都話你醒目仔架啦。係呀，不過我想問你識唔識一D佢身邊既朋友？" 

"包係我身上啦。晏晝話你知。 
話時話，就黎聖誕喇喎。 
你諗唔諗住約佢去街？準備左禮物未？" 



"其實呢個月係佢生日，我諗住攪掂左佢生日先算啦。 
聖誕下個月先到，慢慢啦。" 

係喎，不知不覺已經11月。 
就黎到琪琪生日，我要諗下送咩俾佢先！ 
同埋都係時候約佢出街喇