[人性] [感情事]我不會講你知，其實是第幾次: 背叛我嗎

搵唔到Bobo，咁我唯有打俾樂仔啦。 

"喂，樂仔，你地散左未？" 

"你死得未呀？番左黎喇？一個鐘前走哂喇。" 

"我未死得。咁Bobo呢？" 

"應該番左屋企啦，頭先我地成班一齊走，不過我同佢唔順路。" 



"好啦咁，聽日再講。" 

聽到Bobo應該番左屋企，我個心都定番少少。 
既然係咁，我就直接番左屋企先。 
番到去涼都冇沖就訓左上床。 
訓之前我SMS左Bobo，同佢講我番左香港，叫佢訓醒搵我。 

第二日起身，已經係中午12點。 
我望一望電話，居然一個Message都冇?! 
Bobo好少咁冇交帶，攪到我都有少少擔心。 


我上一上ICQ，睇下佢係唔係到，但都係在冇ON過... 
於是我打多次俾Bobo，冇人聽。 

呢個時候我真係心急同焚，所以我換件衫就打算去佢樓下等下佢。 
由於我地兩個都住得幾近，我10分鐘就到左佢屋企附近。 
我打多次俾佢，今次終於有人聽喇！ 

"喂？Hugo？你番左黎喇？" Bobo把聲聽落仲好眼訓。 

"係呀，琴晚番左喇不過搵唔到你。你而家係邊呀？仲訓緊？" 



"嗯，係呀，仲係床到。" 

"我不如過黎同你食D野？" 

"唔好喇，我仲係好攰呀，我想係屋企休息下。" 

"咁呀，好啦，你訓多陣啦，你訓醒搵我啦BB" 

聽到Bobo只係做一隻懶訓豬，我個心都定番落黎。 
"咕..."琴晚忙左成晚，到而家先開始識肚餓，於是我就去左附近一間茶記醫肚。 

"伙記，豆腐火腩飯唔該。" 

我問隔離個呀叔借左份報紙，睇下體育版。 



"靚仔，火腩飯" 

我講左聲唔該，就放低份報紙。 
咁岩見到兩個人行入黎，我目定口呆。 

係Bobo，仲有呀健。